أكتب بيتا شعريا في الحال

[شجون القصيد]

بعض البشر لا صار ماضيه معتم ... اسود مثل لون الفحم ظن بك سو

مرات يصفى لك ومرات يشتــم ... و كنك تقلّب من كلامه على ضـو

[عالي مستواها]

صحت السنتكم يامبدعين
يعطيكم العافيه جميعا
وبإنتظار المزيد

[ابراهيم المهنا]

.

.

إن كان سويّت الْكْ بيت(ن) / يوم سوّيته قـزاز=لا عاد تحذف من يمرّك في طريقـك بخْـرِزَه ..!!
وإن كان صدرك ممتلي ما بين كبريـت(ن) وقـاز=اللي يعينك كل مـا شفـت الرجـال معـزّزَه ..!
واللي تحسّر يوم صارت نجـد تحكـم فالحجـاز=لا عاد يرفع هامته / والحكـم لعيـال عنِـزَهْ ..!
واللي يروزك يا جبـل حتيـش لـو سـوّى وراز=ان طاح فوقك تَعْجنهْ / وإن طحت فوقه تخْبِزَه ..!

.

.

[شجون القصيد]

اكبر قهر لاجاك ضيمك من اللي ... عديتهم ذخرك بليل الصعايب

[سناعيس]

الليل ياصاحبي وان كان به قمرا=ماظنتي أكتفي عن بدري الثاني

[شجون القصيد]

بالحلم شفتــه زارنــي نور عينــي ... ناداه صوتي وينك القلب ولهان

يـــا منيتي يــامهجتي يــاضنيني ... وين انت ياللي ماتقدر بالاثمـان

[ترانيم المطر]

العذر لأجلك يابيض الوجه سقته = سوق المطر في مدلهمات الامزان
أنا عطيتك سم بيدي ذقته =ما كنت ناوي سوقته دون برهان
ناولته الفنجال من قبل وقته =يوم انتبه له قلت كان الذي كان

[شجون القصيد]

ماهي بـــأول صدمتي والكون مع غيري رحيب ... إلا انا في دنيتــي يقفــل بوجهي الف باااب

استاهل اللي لي حصل حتى ولو دربه صعيب... نزلت من قمة شموخي يوم طاردت السراب

[زهرة اللوتس]

صحت السنتكم
مبدعبن
تحياتي

[سناعيس]

أنا الى مني تذكرت صدك=يجتاح خفّاقي عذابٍ يبكّي
لكن الى مني تذكرت ودك=كني على هالكون ملكت صكّي