حرب المحاوره بين شعراء الفطاحلة

[الطائر المهاجر]

عارف قصده مطوع والغناء بذنوبه = ما يبي امشي لجهنم واتركه بنعومي
لكن الله عالم بالقلب يدري غيوبه= وعارفٍ اني اهيجن واطلع المكتومي

[ابو أنس]

المشاركة الأصلية كتبت بواسطة الطائر المهاجر

لاتسمع لي فانا اغني لروحي المكئوبه = وش عليه وويش كاري بالغناء ملزومي
العجين اللي عجنته داريٍ بعيوبه = لا خبزته دون غيري ارقع المثلومي

اصدح اصدح وارفع الصوت التفت من صوبه=طارت طيور الشجر ماعودت للحومي
ودي اسمع لك وانا اعرف للأدب ماجوبه=بس خله بيننا في حينا ملمومي

[الطائر المهاجر]

ما اخاف إلا من اللي ما نعرف غيوبه = دام صوتي ما سكت ما خشيت اللومي
فكل عيب ما قربته ولا مشيت دروبه = والغناء من خلق آدم للخلق مقسومي

[ابو أنس]

المشاركة الأصلية كتبت بواسطة الطائر المهاجر

ما اخاف إلا من اللي ما نعرف غيوبه = دام صوتي ما سكت ما خشيت اللومي
فكل عيب ما قربته ولا مشيت دروبه = والغناء من خلق آدم للخلق مقسومي

هيه يالمطرب تطرّب وافتح الأنبوبه=جر صوتك لايفوتك ما بنا معصومي
بس خلك في محلك كل خيط بثوبه=ما تجي الصوفه حرير وكل فن وله سلومي