إستضافة ... مبارك ابو ظهير

[الطائر المهاجر]

زيد بن غيام وهو من الجبلان من علوى من مطير شاعر علم من شعراء قبيلة ((مطير)) . . . ولد عام 1842 للميلاد وتوفي في عام 1917.
يافاطري يوم البدو قوم لبدان ----- ترى السعد قدام مار اتبعيني
أما نسندبك على جو عرفان ----- والا تنحدربك على كمعتيني
من عقب ماحنا من العام ظفران ---- خرب صداقتنا علينا الحصيني
أمنولآ حنا نتعزز بحمدان ----- واثره على الغره عدوآ بطيني
يا طارش(ن) مني ليا جيت حمدان --- الى جيت ابن ملوح ذرب اليميني
كانه تمنا حرب علوى بالاكوان ---- يافي ولد ملّوح مرذي السميني
ينصى السبوق ويلقى ابا القد مليان --- ولازم تشوف العين شوفآ رزيني
في ماقع مابه طوارف وفرقان --- الا الظبا والا خوات القريني
أما درع في نزل هايف وجفران --- والا خطيرن باحدى النزليتيني
وأما على الفيصل مشيبت الأذهان --- والا المحمد ميتمين الجنيني
وليا بغانا يم خبرا دغيمان ----- قله ترانا دايم الطارفيني
أما خذا القطعان والكيف له زان ---- والا على الصابور يرجح يميني

تو ماشافت غزير الزين عيني --- طارت الغدفه وشفت اللي تحتها
ناطحتني والجدايل سبحتيني --- ياصباح الخير ياشوف طخمتها
بس عذروب الحبيب شارتيني --- مع سواد عيونها طول رقبتها
ياحلي اللي رقت يم البطيني --- قادت الغزلان والريم تبعتها
بنت عودآ يذبح الشاة السميني -- يشتريها الى كبر كفل اذنبتها
نعنبوك أخذي ذلولي وامنعيني -- عندكم تنفع ولا عند طمعتها

يامل قلب عذبه كثر الأنواع=يبي الطمع مير الطمع يخلف الطوع
والله يالولا زرفلة شقح الأقطاع=وآقول اباخذ لي مع البدو قرطوع
لاصير في قصر لاروع ولاروع=لاهالك ظامي ولاميت جوع
مار البلا وان طاح بالصلب رماع=وشدوا له الجبلان مع بينة الشوع
تلقى لهم من عند ابا القد مرماع=ماعبروا في عرفج الشق مقطوع
حزم غدا لقليقلانه تمرياع=والرمث ينبت في مذاريه طالوع
في مربع وان جاه راع الغنم ضاع=تلقى الجوازي خنس فيه ورتوع
وأحب هد الطير والطرش منداع=شرق من المجذم شمال من الكوع
الى حصل صفق الحباري مع القاع=والله ماغبط اللي يصوع الذهب صوع

وابكرتاه اللي غدت مالها أذكار --- شقحآ غدت في دلها مرجهنه
شقحا غدت مافوقها قدحت النار --- بهيمتآ من حنها ما تحنه
رفيقي اللي جابلي ملس الاعذار --- قال أوجهت لفلان وفلان أضنه
قدله وهو ينذر عليها بالانذار --- ماقد عقلها مار خرصه وضنه
راحن عماهيج البني شوفهن طار -- شقن صميله بالخلا واهلكنه
ياجعلبوا ذا الغارب الشين لنار -- اللي يحجرهن وهن مايبنه
والله يالو عندي من الشور لي شار --- أني لبدي كل سنا بسنه
ويرجع على اللي كنها ضبعة الغار -- سود المصامح والدواغر مصنه
حوفيتآ دايم تقلط على الجار --- ما من حلا ياناس قومآ مرنه
ومن لا بغا الجنه يقلط على النار --- ون ماغتنيت الفقر مافيه منه

أنا هاضني برق ينوض على الصمان --- لزيز الرعد ومعرقب البرق يوضي له
تحدر خشوم المزن يشدي حصا حوران --- على ضليع مارق طامنات هماليله
تسيل الحتايف لين تصفق على الجيان --- ( خغبقا) امتلت وضليعها كنه النيله
وتملت خباري الصلب وين انت يالعطشان -- ثمان الخباري تاسعتها (كحيليله)

زيد بن غيام في مساجله طريفه له مع حنيف بن سعيدان الصعيري .
قال زيد:

جعل الحيا يسقى جباة اللصافه --- هاك القليب اللي دليبح طواها
لاصدرت زافه تقفته زافه --- والزافه الأخرى تزهب دلاها

فرد حنيف
جعل الحيا يخطي جباة اللصافه --- هاك القليب اللي طويل رشاها
وردت مع ذود توامي شعافه --- وصدر حنيف وقربته ما ملاها

من شعر زيد بن غيام
يافاطري يوم البدو قوم لبدان ***ترى السعد قدام مير اتبعيني
اما نسند بك على جو عرفان ** ولا نحدر بك على الكمعتيني
من عقب ماحنا من العام ظفران ** خرب معرفتنا علينا الحصيني

وله ايضا
حداني عليه والغيظ حد هلال ** تطامى البحور وراح عن ديرته جالي
انا اشهد شهاده حق مايذبح الرجال ** حذا كملة تاتيه من صاحب غالي

الشاعر زيد بن غيام من الجبلان من مطير فهو يقول كان بالكويت وفيه بالكويت صاحب دكان اسمه أحمد النجدي وإذا جو رجال البادية يتقضون لوازمهم من الكويت يحطون مقاضيهم واغراضهم عنده ويتواعدون عنده الرجال ونساؤهم إذا بغوا يمشون لأنهم يجون للكويت لبيع منتوج حلالهم مثل السمن والأقط والصوف وزيد بن غيام من ضمنهم ويسأل أحمد صاحب الدكان بالأبيات التالية يقول زيد:

يا أحمد مقطفت الزماليق ماجوك=ما شفت ما عينت هوما أحد جاك
ما شفت من خده به المسك مدلوك=زولٍ إلى منك تمقلته احياك
لاجتك تمشي كن بقدامها شوك=تاطا مثاني ثوبها يوم تنصاك
فالى اسفهلّة واستمالتك بضحوك=فقرب حفافيرك ووص بضحاياك

ويقول زيد بن غيام ايضا من ضمن أبيات له منها:
على عشير نتف القلب تنتيف=تنتيف شقران الحرار لعشاها
ابو ثمان مثل در المشاعيف=له حبةٍ من ذاقها مانساها

وله ايضا
يـا الله يـا والــي iiالأمــر يا مودع النفس iiعشاقه
سهـل صخـيـف iiالعـمـر اللي حديثه لنـا شفاقـه
ذبحنـي صخيـف iiالعمـر وانـا بعـد حالـي iiرقـاقـه
لها ريق احلى من التمر اللي غموسه لبن iiناقـه

زيد بن غيام يلقب زويد وان له قصائد كثيرة منها قوله:

الايا وجودي وجد من لحقه الملحوق ** حداه القصا والبدو شدو على قوّه
بناته ثمان ولا حي كبده المفهوق ** واهل الدين الأول كل طلابته لوّه
حدر له على هرشٍ عليل وفيه افروق** حدريم دار ما بها عرف اوسموه
قضيت الغرض ما عاد لي لازمٍ بالسوق ** تبين شديد البدو والماخلي جوه
ونطحني غزال ضامر وعاتقه منتوق ** تبلش بقلبي واطلبه منه تمروه
الايا حلي مدرهمٍ بأول المسيوق ** خزيزة عقيد وخضبوها من الفوه
لعل العجايز صايختهن تجي من فوق ** تبريت منها ميرلزمتني الخوّه

عسى ديرتك تخطي من الوسم يا حجي ** يجيها الجراد وجعل تخرث محاصيله
أيا فاطري من صوب غض النهد هجي ** هجيج القطا اللي جافل من مقاييله
أنا لو بغيت أسلى هوى القلب وأسجي ** وطيت المراح وذكرتني مداهيله

علوى منوّل اهل خيل يعنوني ** واليوم صاروا بشق طويق بقاره
اللي يشيل الخشب واللي يحفروني ** واللي على منكبه يشيل محفاره
وجدي على صاحبي عن ماقع الهوني ** عن ماقع ما يجي به بس مع فاره
اللي الى أوحا الموذن قيل مجنوني ** والجار ما حللوا مشيه على جاره
حلفت ما أجوز من دونه ومن دوني ** يكود قصر الحساء ينزل على واره
واهل عنيزه على البصره يحلوني ** والمجمعة تنتزح للسيف حدّاره





ــــــــــــــــــــــــــــــ ـــــــــــــــــ

وهناك شاعر معاصر اسمه ايضا زيد بن غيام ، سأحاول جمع بعض من شعره
فهذه قصيدته في مجلس الأمة الكويتي
القلب يامخلد به ألفين عله
..........................يالن ايب الفاضل طوى القلب خفخاف
اللي طواريها بقلبي تتله
............................تل ة نداوي على الدس عواف
عشق الهنوف اللي نسف كل مله
...........................امح لل عند الملالي والأوقاف
واوسع من القطبين شسمه وظله
...........................واك رم من صنوف الكريمين بسراف
مجلاسها امسلم حشا مايمله
..........................وحتى عصام يروق دمه اليا شاف
ويوم الخرافي يبتدي جلسة له
..........................يبي ينافسني على حلو الاوصاف
قل ياوليد افزع وبيديك حله
.........................وصوت لبوبشار وحسين ماطاق
وإن صحت ياصيف الوفا جاك كله
.........................وعواد من دايل يحيى دون الاطراف
من شانها استجواب لامانهله
........................وطرح الثقة مرفوض من عهد الأسلاف
من دونها والسيف دايم نسله
........................من دونها السيف الحرب ينصف انصاف
ومحمد خليفة شمر عزوتن له
........................ومشعان ابومحمد يسدد للاهداف
كل من نواها بالخديعة تشله
........................عقب التقدم قام يمشي على احلاف
اخفض لها بالحب طرفي واذله
........................وارخص فلذات كبدي ولااعاف
بيدين ابومبارك ويازين دله
.......................مهره وتلعب بين قلبي والاطراف
حبيبتي حبيبة الكل والله
......................اكويتنا حبيبتي دار الأشراف

[مبارك أبوظهير]

حبيبي وغاليي المشرف العام




إن ماعنيته من الشعراء هو الشاعر المعاصر زيد بن عقيل بن غيام .. وهو حفيد الشاعر الفحل الذي أوردت بعضا من روائعه .. زيد بن غيام .. فهذا مسمى على ذااااك .









شكرا سيدي لإثرائك المتصفح بنوادر العملاق الجد .. والحفيد




تحياتي وغلااااااااااي




مبارك .،،،،،،،،،،،،،،،،،،،،ن