حرب المحاوره بين شعراء الفطاحلة

هلا هلا يا بو انس معكم ترى نلقى الونس=فيكم قلوب صافيه ولا بها خش ودس
واللي يدور غير ذا يظهر ولو حتى غطس= وهذا القول من قلب يقوله واحد سنافي

بس مهيب كنها نشيده

[نجم الإبداع]

هلا ياقلب في قصر الفطاحل منهو يمله = رميته بالحصى يومه يطامر مثل ابو طله
وقلت اشوف كيف العود لامن ثارت الشله = تزين الملعبه والشعر فيها حبكة سنافي

[الطائر المهاجر]

اشهدوا عليه ياجماعة الخير ، هذا ماقلت له :
انا ودي بعشره مثل ابوطله عريب السـاس=وسيع الصدر طيّب معدنه انقى من الالماس
يعرف ان المحاور مزح في مزح ولا يحتاس=يصكك بالقوافي فايره فـي شغلـة سنافـي

وهذا ماقال لي :
انا مجبور في حبـك جميـل مزحـك وجـدك=وابا اقف دوم انا ضدك وابا ابقى زرار في حلقك
ولو دمي تبـي تسفـك احبـك زود مـع حبـك=واطق الطار مع دفك وشيـخ الملعـب سنافـي

يعني مافيه فايدة يقول ابوقف ضدك ويبقى زرار في حلقي
لاتلوموني إذا طخيته ، ترى دمه حلال ..

احاول فيك ما اقدر وترفع ضغطي بردك = ونا جايز عن الهوشات ترى ما ودي آضدك
ارى تراجع قراراتك ولاتطلق عليّ قردك= ترى تندم اذا مابندقي ثارت ونا سنافي

اشوفك قاعد في بيتكم وتطل مع طرمه=والى منه بدت حربي تهج وتسكن الخرمه
انا الفزاع ما قد قيل لي هذا ولد حرمه =انا فاتح لك الميدان ابيك تطب ياسنافي

[الطائر المهاجر]

تعوذ من اخيّك خل عنك الحرب يالهرمه = ترى ما ودي بحربك ولا ذنبك ولا جرمه
لأنك بعد عاصوفي تصير نخيل منصرمه= تغط ونم يبناخي فعاصوفي ترى سنافي

[ابو أنس]

عجزنا فيكم وحنّا نبيكم مثل ما نبغي=نبي نوقف مهاوشكم نجنبكم دروب الغي
ولكن كل ماقلنا أها قلتو نبي نلغي=عسى ربي يقويكم ومن يكسل له سنافي

[الطائر المهاجر]

الا يا شيخنا احكم على الطاغي ومن يبغي = فانا ماقصرت احاول فيه ولكن هو مايبغي
قبل والم يقاشرني واقول اركد وهو يرغي = وما تامر ترى حاضر لأنك دايم سنافي

[سناعيس]

يامشرفنا عليك بهم وابوطله هو أولهم نحبه جم=أنا من شفته يهاجم يبي شكم ويبي له لجم
تقاضا لي وانا اتفرج عليه واضربه بالنجم=وتراه اما انقطع راسه صليف وشغله اسنافي

اشوف ان العقل طارت وغبرتكم غدت عجه ***** ومن شرب القراح امتر ثمن عود يمجه
وكلن يشتكي الثاني ولا احد يملك الحجه ***** وهو شعر الفطاحل وان بغيته يقلع اقلاعي

[الطائر المهاجر]

مدامك شيخ فارجع للوراء ولاتاخذك سجه = وجلس للخصوم ولا تسمّع منهم اللجه
ترى خصمي عنيد وشاطر باللف والصجه = اذا ودك بحكم عادل من شيخٍ سنافي