السجن الأدبي والكفاله بيت شعر

[داعي الشوق]

اثر العرب فـ السجن داخل و طالع = المتهم مسجون و هذاك جاني
الله يكافينا من اللي يتابع = و الله يستر من بلاوي الزماني

و نادوا الفنان فهد

مطلوب

[الطائر المهاجر]

فناننا مذنب وللضرس شالع= ضرس الفنون وكل لحن واغاني
يطلع ويسجن من على الطبل قارع= واظن داعي الشوق سجنه اماني

[الفنان فهد]

اواااه يالسجان قلبي تلعلع = يابو سعد لاتسـجن الي يعاني

قصر الفطاحل لو نخيته توالع = وين المهاجر كن حسه دعاني

[سلطان العبدالله]

بالله داع الشـوق لا تسـجنونه === وحطوا بداله قيد السرب بالله


الطائر للحجز الله لايهينه

[داعي الشوق]

هههههههههههههههههههههه

[الطائر المهاجر]

تحتاج بيتين تطلق سراحه= ومادام شغلك نقص لابد مسجون
حطوا بداله من يبي له صراحه= سلطان ماغيره على السجن مضمون

[داعي الشوق]

قضّيت انا يومين والنور والع = عند الفطاحل وسط ذاك المكاني
مابين فنانٍ و شاعر و بارع = دكتورهم بالشعر حافظ و باني

[الطائر المهاجر]

نطفيه دام انك على الجنب ضالع= الهرش تايه بين حاني وماني
وسلطان حاشي بين غزلان ضايع= يالله ترده بالسلامه اواني

[صعبة المنال]

هههههههههههههههه

صارت محاورات

صحت الالسنه

صعووووب

[سلطان العبدالله]

مـادام انا وياك شاري وبايـع *** مايستشـك يالطير كود الهداني

وابياتك اللي قلت شرد ٍ روايع *** لكن على الله ماتجور المعاني