خواطر شعرية

[شوق]

ما بي وعد باكر ولا توعد اليـوم=خلك بعيد و خـل للحـب قيمـه
لا توقظ النايم تحرمه من النـوم=و لا تبعث جروح ٍ بقلبي قديمـه

[منيع]

هز راسـه ماتكلـم=وافتهم قلبي الجـواب
قال ياعاشـق تعلـم=هذي من عندي عتاب

[شوق]

ابوي وينك حاجتي زايده لك=يومٍ بوجهي قفلت كل الابواب
كل الجروح النازفه صوتت لك=تقول وينك ياغلى كل الاحباب

[شوق]

أهـلاً هـلا يـا جـرح دقـيـت بـابـي=تـفـضـل ومــا مــن غـريـبـــيــن يـمّــي
هــذي تـنـاهــيــدي .. وهــذا عــذابــي=والـشـايــب الـلـي مـرتـكـي ذاك هــمّـي
عـفـواً .. نـسـيــت آعـرّفــك فـي جـنابـي=أنـا الـحـزيــنـه بـنـت هــمّـي وغــمّـي
إجـلـس عـلـى قـلـبٍ مـن أيّـام طـابـي=وخـذ راحـتـك والـبـيـت بـيـتـك.. يـاعـمـي
تـفـضــل وإقـدع مـن ثـمـار اكـتـئـآبـي=وسـمّ وتـقـهــوا مـن فـنـاجـيـل دمّــي
وإشـرب مــن دمـوعـي بـكـاس اغـتـرابـي=وسـولف عـلـى كـيـفــك لـيـا طـاب ذمــي

[الطائر المهاجر]

الحزن لا منه بدا من سرابي = ياخذك الى قاعٍ به الموج جمي
ضمير يبدا في العتب ما يحابي= يصحى معه من كان بالوقت امي

[منيع]

بعديـن تذكرنـي الاقـال قايـل=وتاخذ من الايام حكمه وتجريـب
تقول به واحـد ذكرلـي مسايـل=ان كان لي في خانة الوقت تعريب

عرفت أن الشقا باقي عرفت أن الحسد موجود
...........عرفت أن القدر يفرض علينا أسـوأ أحكامـه .!!

[شوق]

	جرح الهوى تعذيب محدٍ يداويه يكبر مع الفرقا عطيب.. المزايا ودمع الهوى لو عزت النفس تخفيه في موعد الوحدة جزيل العطايا وصوت الهوى لو تكتمه ماتلبيه له زفرةٍ بين الضلوع االحنايا

ياصارف العمله نبي للهوى صرف=بدل نظام الحب باللي تشوفه
ماعاد لي في محفظة ناعس الطرف=مليت من سيرة منقش كفوفه

الهوى والشوق كلـه والهيـام
اعتبرهـا كـورةٍ فـي ملعبـي
سبتها من قبل مده .قبـل عـام
وانت توك جاي تبغـى مقلبـي
بالهوى والحب قلبي حام ..حام
وكف جنحانه وحصـل مايبـي
حين طاح بحب راعيـة اللثـام
العنود اللـي هواهـا مطلبـي
لايغرك يـوم ارد الـك السـلام
كنت ابي اعرف فقط وش تطلبي
لاتظن العيـن تسهـر ماتنـام
لجل حبك سابـيٍ قلبـي سبـي
والله انـك ماطريتـي بالمنـام
ولا طرى بالبال غير اللي نبـي
يوم جيتيني على احسن مايرام
بعد غيباتـك نويتـي تقربـي
مثلك اللي طب في وسط الزحام
ما يدل الدرب فـي دار اجنبـي
مادريتي عن هواك اصبح حطام
لادريت عـاد صلـي عالنبـي
ارحلي في صمت وامالك عـدام
ان بغيتي تفرحي والا غضبـي


احدى قصائد الجزل عبدالله المرشدي من ديوانه في الفطاحلة

( اتمنى ينزلها في قسم همس القوافي لأنها رائعه بالفعل )

صح السانك يابو عابد ولاهنت