حرب المحاوره بين شعراء الفطاحلة

[الطائر المهاجر]

ياهلا باللي لفانا مرخيٍ لجنوبه = يحسب ان المفطح قسمة القيطومي

[ابو أنس]

كل شاعر عارف(ن)طيب اكله ومشروبه=والزعل ماله مكان(ن)ذا الجدل محسومي

[الطائر المهاجر]

الاصابع ما تساوى في البشر وشعوبه= والنفوس اليوم ضاقت في قشرها تحومي

[ابو زياد]

ان سالنا عنه قالوا نايم يادوبه=الصباح وفالمقيل وسط ليله نومي

[ابو أنس]

افتح الملعب ودز لها البشر لعبوبه=من بغى اللعبه لحقها من زعل محرومي

[الطائر المهاجر]

المشاركة الأصلية كتبت بواسطة ابو زياد

ان سالنا عنه قالوا نايم يادوبه=الصباح وفالمقيل وسط ليله نومي

من تقاعد صار حر وحصل لمطلوبه = ضيع الساعه مع التقويم مو ملزومي

[الطائر المهاجر]

المشاركة الأصلية كتبت بواسطة أبوأنس

افتح الملعب ودز لها البشر لعبوبه=من بغى اللعبه لحقها من زعل محرومي

من بغى اللعبه لقاها وابتدا من صوبه= كان جايز لي كلامه جيت حرفي يومي

[ابو أنس]

كل ملعب فيه لعبه للبشر محسوبه= وكل لاعب له مزيهّ له جَهَد وعزومي

[ابو زياد]

هذا لابو انس
وش جاب ذي على باله

جيت حامي وش علامك جبهتك معصوبة=جبت عجل وش علامك كنك المنجومي

[الذيب]

تراي جيتكم وعزمي قوي مررررررررره

عليك بهم يا ابو انس تراي في المدرجات اتفرج عليكم (اشجعك) وان استدعى الامر تدخلت و سويت شغب جماهيري: