مسافة حـــب

صح لسانك ولاهنت على القصيده الجزله

لا غاب قلمك

تحياتي

[محمد الأحمري]

المشاركة الأصلية كتبت بواسطة هاجس نجد

الا يـافـــزّة اللــي سايقـــه بـــرد الهـــوى والجــــوع= وساقـــه قــو باســـه للمنايـا يـــوم ينصــاها
تعــرّض للمــخـــاطــر والمخاطــر جالهــا مــدفـــوع =دفعه الوقت غصب مع دروب النار ياطــاها
إلا منّــه نــوى المسرى مشا ممشا السنــه بأسبوع= طوى البيداء كما يطوي المــزن ريــحٍ تقفّاها
متى ماشلف من يبغى غصبها غصب تجي له طــوع =سحبهـــا بيــن ذرعانــه وفــي ليلــه تعشّـاها
أنا ياصـــوع قلبي مــن هـــوى محبوب قلبي صــوع= كمــا صوع الضــواري للطرايــد يوم تلقــاها
ألا ياويــل قــلـــب لا يعـــــه فـــرقــى حـبـيـبه لــــوع = إلـى منّــــه بغــى يدلــــه تجـــدد فيه ذكـــراها
زرعــت الحـب فـي قلبـي وحبه من الصغـر مزروع =سقيتـه مـن حنان القلـب وداخل قلبي مـرعاها
أنا ياما حلفـــت أنــي علــى الغالــي مأهــــل دمــوع =ولاكــن غصب عني هلّـت عيوني بعض ماها
ترى ياصاحبي غلطـــان مـــن قال الهــوى ممنــوع= أكيـــد ما جــرّب الصحبــه ولا يعــرف بمعناها
أنا غلطــان فــي حبــه وأعــرف أن الغلط مــرجوع= ولاكــن مـع طـوال الوقت عجــز القلب ينساها
قريبــة عنـــدي وبعيـــدة قريبـــه وأبعـد مـن الكــوع= مسافتهــا كثــر عمــري الا ياصعــب ممشـاها

آمل أنـ، تنال إعجاب الأخوة والأخوات مع تمنيا تي للجميع بالصحة والعافية
H(هــــــــــــا جــــس نجــــــــــــــــــــــــــــ ـــــــد ) H

هنا نتعلم وهنا ندرس
الله الله الله
عليك ياهاجس نجد
أنت كما أنت
نقرأ كثيراً ونسمع كثيراً
ولكن ماخرج من الفؤاد
يسكن الفؤاد
كا البلوتوث
لايحتاج لواسطه بل يفرض نفسه
صح لسانك حتى ترضى
وصح بدنك مليون
تحياتي وتقديري لك
أستاذي لاهنت
ودمت شامخاً
ياهاجس}{ نجد

[حي الضمير]

شاعرنا الرائع سعد العبيد مليوووون صح لساااانك
قصيده رائعه حيل ولاجديد شاعر مبدع ومتمكن
واستمتعت بقرائتها

[هاجس نجد]

المشاركة الأصلية كتبت بواسطة ماجد حمد الزيد

صح الله لسانك وجاد بنانك هاجس نجد على هالرائعة جميلة جداً وعذبة وسلسلة
انتقاءك للقافيه لايجيدة الا شاعر متمكن جداً , انتقاءك للقوافي في العجز
وتجاهلك للضمير يدل على قوة شاعريتك
الشهادة مجروحة ولكن وجب علي ابداء الرأي في جمال ماسطرت لنا
تقبل مروري وودي وتقديري اخي الفاضل

الأخ العزيز الشاعر / المخضرم ماجد حمد الزيد

صح الله بدنك أخوي الغالي ماجد نورت الصفحة

ورفعت قيمة القصيدة بمرورك العطر

اخي المحترم إبدعنا هنا لايساوي قطرة أمام بحور ومحيطات إبداعاتك المميزة

بدون مجاملة أخوي ماجد

أنت معلم وأستاذ كبير نقتدي بك ونستفيد من مدرستك الشعرية

حيث أن اسلوبك فالشعر لايجيده إلا شاعر له باعه الطويلة

في فهم قوافي الشعر وأوزانه ومتونه

وإذا كنا نلومك في شيْ فهو في إبداعاتك اللتي تأسرنا وتشد قلوبنا

دوماً ونقف معجبين بما نراه من معجزات شعرية باهرة

أتمنى لك التوفيق والنجاح فيما تصبو إليه

لك مني أعطر تحياتي وفائق إحتراماتي

أخـــــوك

سعــد عبــد الله العبيــد

هاجس }{ نجـــــد

[ابوعبدالرحمن القريشي]

[quote][أنا غلطان في حبه وأعـرف أن الغلـط مرجـوع
ولاكن مع طوال الوقـت عجـز القلـب ينساهـا

قريبة عندي وبعيدة قريبـه وأبعـد مـن الكـوع
مسافتهـا كثـر عمـري الا ياصعـب ممشاهـا
/quote]

هاجس نجد

صح لسانك ابداع وتناغم في المعنى

من حسن حظي ان رفعت هذه القصيدة

حتى ارتوي من عذب حروفها

دمت بود

[الـزلـزال]

هاجس نجد


قصيده حوت أعذب الكلمات وأنقاها

سلم فكرك وشعرك غالينا

دائمآ مبدع ومتميز

صح لسانك ملايين ملايين


تقبل فائق تحياتي

[همس الورد]

صح لسانك

و صح بدنك

بوووووح رائع

تحيتي و تقديري

[نفحات حساسة]

تسلم اخوى..هاجسسس
ولا هنت وصح الله لسانك
تقديرى لك..

[سلطان العطاوي]

الله عليك
صح لسانك مدد مهو عدد
حضور راقي وقصيده ارقى
يسعدني المرور
سلطان ..

[حي الضمير]

قصيده رائعه
وتستحق العوده مجددآ
ومليااااااار صح لسااااااانك