كشـــكول رفيعه الشآن

[رفيعة الشان]

ياشعلة الصبح شبّي فحمة الغدرا=الليل ابو الهمّ وانا واصلٍ حدّي
ما تفسح الضيقة إلا لاختها الكبرى=كم ضيقةٍ طيَّحت وجهي على يدّي
واخر رساله من الدّلوعة الشقرا=ادمت جروحي وهي تعتب على صدّى
والله لو ارسل لها اللي كنت فيه ادرى=لتطيح من طولها لا جا لها ردّي
ياعاتبه لا تحرّي مني البشرى=تزيّني في ثياب العرس واحتدّي
حالي ! وش آقول ؟ بعض الهرج ما يطرى=اقلّ باضعااااف من (حالي على قدّي)
ولا ورثت من ابوي إلا نسب يشرى=والسكّري والصلع ميراث من جدّي
من يوم ما جيت للدنيا وهي قشرا=والنحس بيني وبينه عِند وتحدّي
طفولتي بائسه في فقر .. بالأحرى=طفولتي سائبه في قفر ممتدّي
شقيت قبل اعرف اليمني من اليسرى=ارعى الغنم ما معي رعيان في ندّي
لا اشتد وقت الظهيره واهج الصحرا=ابكي ! واناوب رجولي لين ما تهدّي
اوقف على رجل وحده وارفع الأخرى=وامسح ببطن القدم في الساق وآعدّي
وارجع وانا مثل ثوبي .. أو يجوز اطرى=ما مرني ليله إلا نمت متغدّي!
واصحى على دمعة أمي بعد ما تقرا=طبعة خيوط الحصير اللي على خدّي
وكلّما اكبر حظوظي تامر العسرى :=شدّي واذا اشتدّ عظمه زيدي اشتدّي
بلغت حلمي وابوي بناصيه عفرا=غالبت حملي ... وعيش اهلي على كدّي
قطر العرق في جبيني شق له مجرى=ولاتحقق لنفسي عُشر ما ودّي
انسج ثياب الستر لاطفال لا تعرى=واسجن حقوقي ورغباتي ورا سدّي
لكنَّ رغم احمرار جروح ما تبرى=وأيامي الصلفة اللي واقفة ضدّي
لازال قلبي خضر وعمامتي حمرا=ولا يغيِّر ولائي حظ متردّي

مستور المالكي

أعجبتني جداً

[رفيعة الشان]

علام القلب يا نفسي علامه=عجزت اتبعه واسعى لافتهامه
والامني حكمته وامتلكته=بسرعه افلتت كفي خطامه
ومن سايف ببابه عند وجهه=قلط عنده وقهواه بكلامه
فرض روحه على كل الخلايق=ولا ادري هي ثقة ولا قرامه
ونوخ له جموع ماتنوخ=بطيبه واحترامه والتزامه
ويجري فيه من دم الطفولة=وشريانه سكن فيه ابتسامه
ولكنه وضعني في مواقف=غريبه مننها شفت الملامه
مسيكين وطيب واندفاعي=(تناقض) بس كل له نظامه

[نجم الإبداع]

السلام عليكم

مبروك اخت رفيعه على الكشكول الراقي

ولو انها متاخره

ولكني منذو فتره ليست بالقريبه لم اعرج على الكشاكيل

ارجو قبول الزياره والعوده مرات اخر

لاهنتي

تحياتي وتقديري

[الأموره]

رفيعه الشآن

أخيـتي في الله

أكلمي فلقد وجدت هآ هنآ

كل ممتع تبآرك الرحمن

سلمتي اخيتي و سلم فكرك النير

الف شكر لك

دمتي برعاية الخالق

[الطامي]

رفيعة الشان
كشكول زاخر بما يحتويه قلبك من الأفكار والتوجهات التي تججري بك الى الأفضل دائما
وفقك الله وشكرا لك

[رفيعة الشان]

معاناة طالبة

هواي والله شوفة الريضاني=وسجادةٍ خضرا على القيعاني
واللي يلوم اللي هواه يربّع=جعله يجرّب كَلْبِشَةْ سجّاني
لاني مجرّب والمجرّب جرَّب=ربط الحبال وصكّة البيباني
الله حباني حب للحرية=حريةٍ محفوفةٍ بايماني
حرّيةٍ تفرض علي اتمنى=مكان تسعى وسطه الرجلاني
مكان مَدّ الشوف وسطه يشفي=علةْ عليلْ اعتل واصبح عاني
يا جعل يسقى لانوينا الروحه=متوجهينٍ لاطهر البلداني
متوجهينٍ والنوايا علوا=علوا ترا علوا خيالٍ ثاني
من دون محدٍ للمراح يعكّر=فقط انا وامي وابي واخواني
الله حباني حب جو الأسرة=مع القريب ان كان ما يقذاني!
مليت من سجن الدوام وأسره=ومن سجن استاذي مع الحِضراني
ومليت مغباشٍ حفظت اسلوبه=شنطة وكُتْبْ ومقلمه والواني
والباص ياذا الباص ليتك تدري=كرسيّك المكسور قد أذّاني
وسوّاقك اللي عاملٍ لي مشكل=سرعتْهْ سرعةْ سايقٍ بطراني
يحسبْهْ وحدهْ في زوايا الشارع=ويحسبه فالقوطي قعد وحداني
وياليت هالقوطي يحقق مطلب=دايم نوصِّل آخر العرباني
وسجني الين الحين ماجا فَكِّه=خمسةْ عشر مفتاح ذا الحرماني
خمسة عشر عجِّل علي لا تبطي=من قبل لاغرق في وسط وداني
عجِّل علي عاد الحكي ينفعني=قبل تشوف الدمع وسط اعياني

[زهرة اللوتس]

الرائعة

رفيعة الشان

كنتي هنا شجر يعطي دائما ً

ولا ينتظر الجواب

رأيت فيكيـ قمراً يشع

انت كـ نبض من قلب

لا أدري لماذا ...

عندما اقرأ حرفك أتناسى الأبجديه


زهرة


ساكون بالقرب

[زهرة اللوتس]

كل عام وانت بخير

[ام العمده]

كل عام وانتم بخير

[عُلا]

كلّ عام و روحك تنعمُ بالسلام

أيتها الشفافة العذبـة


محبتي لكِ دومـا