مختارات طلال السعيد

[الطائر المهاجر]

الى صديق الطفوله **

صديق الطفوله وش جرى لك مع الايام
هي انصفــــــت دنياك ولا انت بك مثلي

فقدنا ملامحنـــــا مثل ساير الانام
عبث بنا جور الزمن والزمن يبلي

وقفنا جميـــــع وبيننا حــــــاجز الاعوام
صعيب وصولي لك ويا صعب لك وصلي

وانا اشوف في وجهك طريق غشاه عتام
وذاك النخل واشــــوف دارك ودار اهلي

وســــدره هي اكـــــــرم من اهل بيتها اللوام
وفي وجهك اصحابي عصى مدرسي وفصلي

وعـود كبير ودايم فالظلال ينام
في ذكرياتي له بعد ملمح وجلي

وصوركتبنا فيه ذكرى عبث واوهام
ولـي في عيونك صوره زانها جهلي

بثوب تبلل بالمطــــــــر والتراب وشام
وانا حب اسير العب وهي حافيه رجلي

انا وانت طفل وطفل دايم رضى وخصام
بكـــانا سهــــل والضحكه امر بعد سهلي

دعاني بوجهــــك نـــاده ينده الاحــــــــــلام
معه رمح مدري هو علي غاضب او لجلي

انا كيف اباصل والامل خلف مو قدام
كثيــر الاسى والسهد يا من فعل فعلي

[الطائر المهاجر]

أنـا راحــل ~¤ô§ô¤~


أجمل رحيل ما يوصلني إلى قافلة

من القوافي أعود بعدها ..مليئاً بالشعر .

أنا راحل

وتارك كل شي

جمعت من ذيك العيون أحلى المعاني

وونيت مع صوت المعاني

وبشويش ..وشوشت الشعور

ريش تبلل .. وانتفض عصفور

ولما وصلت لكل شي

دريت إني ما وصلت لشي

اخترت أصعب رأي

أنا راحل ..وتارك كل شي مني وراي
***

تعبت

والدنيا عيت تستريح

يا صاحبي

القلب يمكن ينكسر

بس أن راسي ما يطيح

ولو قلت لك إني جريح

أخاف تفهمني خطا

وأخاف تفهمني صحيح

يا صاحبي .. أنا على سكوتي تعلمت

وما ندمت

ولو طال بي مسراي
***

الدنيا ما وقفت

مسكين يا قلبي

.. وهو يلتفت

أقسيت أنا .. وهو يلتفت

***

باقي رجوى

تشبه عيون الصغار

باقي لك في القلب نجوى

باختصار

باقي كلمه


لصاحب الطرف الكحيل

أنا راجع أقول إني أحب

وابعثر هموم الرحيل

[الطائر المهاجر]

مريولـ ـأزرق~¤ô§ô¤~


هذا الشهر مر

هذا الشهر مر

بالحزن والدمع الامر

خمس طعشر شمس غابت

وكسف خمس طعشر قمر

بالله من يقدر يقول ؟

من يا ترى المسؤل؟

موظف اهمل بالاماره انه ماصان العماره

العماره !!

ارجوك لاتفهم خطا

مهم تقدير المشاعر

لا يزيدوا القتلى واحد

خمس طعشر بنت وشاعر



من ياترى المسؤل؟

الدفاع البدني ؟

الدفاع البدني يمكن كان ممكن

انقذوا ماكان امكن

لو شعور الرحمه والواجب تمكن

ويمكن النار السبب؟

او يمكن الشاي؟

او حالة التنفيس

او يمكن ابليس؟

او يمكن الهيئه

لا تفهموني خطا

اقصد هيئة التدريس



من ياترى المسؤل؟

الرئاسه العامه لتعليم البنات

ما فات فات

والباقي اكثر يا خوات

مؤتمر صحفي وبوفيه وهدايا قيمات

قرر الريس يحل المشكلات

راح نصرف في السنين القادمه

مع الكتب ...كفن الحياة

بس اذا نبغاها تغلق

اقترح هديه تلبق

علقوا في مكتب الشيخ الريس

منظر طبيعي

خمس طعش مريول ازرق

اصبحت بالدم تغرق

واكتبوا على كل مريول

من ياترى المسؤل؟

* * *

من يعزيني بخواتي؟

من يعزيني بناتي؟

من يواسيني على فقد امهاتي؟

قام واحد باخر المجلس وقال

صغار كانوا ياطلال!

ياسيدي هذي البلد والله مافيها صغار

حنا حتى في المهد نولد كبار

خمس طعشر ام ثكلى

خمس طعشر ابو حزين

الجاني مثل الطير حر

والمجني على حلمه سجين

[الطائر المهاجر]

حكاية شمس *


كنـك مـلاك وطلـع توه
الله وش كـثـرمـحـلـوه

ماعاد بـه غيـرك حكايـه
جيتـي وكـل تـرك جـوه

الليل لـف ولمسهـا لمس
بعيونك اغرب حكاية شمس

وانتي الـى الحيـن نسايـه
ضيعت باكر عشانـك امـس

دايـم اقـرب وهـو يبعـد
وفي شفتـك للشفـق موعـد

ويحـط لاحزانـي نهـايـة
من غيرك اللي قـدر يسعد

ياللـي تحليـن اي لباس
يغار مـن جيـدك الالمـاس

حـرام تعـذيـب وكفـايـه
حني على الناس ياحلى الناس

والشمس تحضـر بميعـادك
مـن يقـدر يلـوم حسـادك

تغازلـك حتـى المـرايـه
(( .... )) ياشمس والنـاس

بيضا وفيها سمـار الحـور
سمرا وفيها بيـاض النـور

مالـه بـدايـه ولا نهـايـة
من مثلك اللي جمالـه جـور

والكامـل بحـق وجــه الله
ياحلـوتـي كـامـلـه والله

ياللـي لكـل البشـر ايــه
من يشبهـك حلـوة الطلـه

[الطائر المهاجر]

إن حكت

ان حكت غار السكوت من الحكي
وان بكت يحسد مدامعها الغـرور


كنها والشمس خصـم ومشتكـي
وبين ذيك وذيك عذبت السطـور




الثرى يـا مايسـه مغروركـي
ومن يلومه ما يعرف سر الغرور


والجمال امرايته فـي وجهكـي
والبها له في جفن عينـك فتـور


الحلا يـا حلوتـي شبّـه بكـي
منهكٍ حرفي ويشكي به قصـور


والحروف اتهني احروف اسمكي
والاريج اختال في عرس العطور


يا غريـره ياغـرورى مسلكـي
تهت والا تاه عن كفـي العثـور


في طريقي ضاعت الخطوه لكي
ماتميز بيـن نـار وبيـن نـور

[الطائر المهاجر]

أموت من فرقاك .. و أموت بلقاك

وأموت من جورك .. و أموت بحنانك

كلٍ قضاه يموت مرّه .. و يفداك

و أنا أموت ألفين مرّه .. عشانك

أذكرك.. لا مني نسيت إني نسيتك

أنساك .. لامني ذكرت نسيانك

رضيت أنا بالهم لرضاك مرضاك

و ارخصت لك قلبٍ جرحته .. وصانك

أجيك في صدري عتاب .. و أبجفاك

و أرجع ألوم الوقت و أقول خانك

أحب فيك .. احساسي إني بلاماك

في عز خوفي منك أحس بأمانك

عجزت أفرق بين وصلك و فرقاك

ياللي عطيت الناس بيدك عنانك

مر تجــــيــــني لين أقول إنـــي إيـاك

و مر تروح بعــــيـــــد و انسى أوانك

أقبل و تقفي .. و اعتذر عن خطاياك

و أقول ما عييت .. عيا زمانك

و إن خانتك دنياك .. أو خنت دنياك

إرجع و تلقابي .. مكانك.. مكانك

[الطائر المهاجر]

قالت نصيب وقلت يومك تبيني

غصب على الدنيا ... يدك في يديني

لا تظلمين الوقت وش ذنب الايام

لو اقبل اعذارك يعيي حنيني

غديت ما بين الرجا .. فيك والياس

هذا .. يبي مني وهذا .. يبيني

ان قلت شنت وخاطري طاب كذاب

وان قلت ابيك ارخصت نفسي بعيني

خيرني امري بين اصعب خيارين

موتي انا او موت الاحساس فيني

[الطائر المهاجر]

لا تلمس الجرح يا معود وصبح عـزوم

البرد فتق ضلوعي وانت دوار صيـت

ضيعت عمري اطاول في حزومي رجوم

وايست اباقول كل الشعر في شطر بيت

لا الوقت وقتي ولا حلومي تطيع وتنـوم

ولا الركايب وحادي العيس ترضيه ليت

ذهايب الذود راحت مع ذواهيـب قـوم

لا صار لك الف قوماني فلك الف بيـت

ترى اصعب الموت موت يذبحك كل يوم

واصعب حياتك تعيش وانت جواك ميت

اواه يا طول عمري لا حسبت الهمـوم

يا كني اكبر من الدنيا ولا قـد شكيـت

علمك دهاني يا لاقي خير خـل العلـوم

اسرجت صفرا من همومي عليها حديت

واطلقت للبيد راحلتـي وفـوق النجـوم

راسي وانا كل راسي تيه فخر و هميت

واقـول للـي يبـي كرامتـي لا تهـوم

لا انته ولا الف مثلك يهدم اللـي بنيـت

[الطائر المهاجر]

آخر قصيدة له بعد رجوعه من باريس
وسبب كتابته للقصيد بعد رجعته من باريس وشاف اللي فيها


واحد خايب .. حظه تعيس
سافر تقسيط لباريس
كذّب على ام العيال
رايح ادور عمّال
جمع الورث
حصاد الحرث
وقبل يسافر ياساده
سجّل في نادي كالعاده
يسوي برنامج تخسيس

***

قام يدور شنطة تكفي
وكل هدومه قبل يصفي
عشرة فنايل علّاقي
وشورت وشراب ماقيس
قالت ام عياله تكفى
خذ لبس شوي يدفّي
قال فـ باله يامسكينه
والله قدامي اللي يدفّي
قام يودعها وقالت له
خذ بالك يانور عيوني
وتعوّذ دوم من ابليس
قال فـ باله يامسكينه
وانا من عازمنـــي غيره
ناطرني ابليس فباريس

[الطائر المهاجر]

محتاج لك

انتي بكف وباقي الخلق في كف

متعليه في وسط قلبي ولك شان

في غير وصلك مالقلبي ترى شف

محتاج لك يانور عيني وشفقان

لا جابوا اسمك صرت انا تقل مختف

مالي على نفسي الى اطروك سلطان

من غير حبك غضت عيوني الطرف

ياللي جمالك صار للزين عنوان

اريد انا قربك ترى ياغذا الحرف

وان ماحصل موتي ودنياي سيان