منك عرفت ان الغلا ملح ذايب

[الخنساء]

المشاركة الأصلية كتبت بواسطة ابومياس

اهلا بالجميع

مشكور ياللي في عذابي تفننت=منك عرفت ان الغلا ملح ذايب
فتشت في قلب العنى مابه الا انت=متربع ٍ سويت فيه العجايب
تعصف بي الاوهام من وين ماكنت=وآمال راحت ضيعتها الهبايب
لاتحسب انك محسن ٍ وانت ماحسنت= صنعاً.بمن يذكرك حاظر وغايب
بالخير.ياللي من خفوقي تمكنت=جيتك بدون شعور مانيب هايب
واعطيتك احساسي ولايوم لك خنت= وشديت لك بالقلب كل الركايب
وانا اتمنى يومك اقفيت بينت= اسبابك اللي مبهماتٍ غرايب
ويومك نويت الصد في خاطرك شنت!=مافيه داعي كان خاطرْك طايب
غلاك هش.اليوم فقط تيقنت= ان المشاعر في محيطك خرايب
رحت الـ .يسار الدرب وانا تيامنت= دربي يمين ٍ واعرف الراي صايب
ودامك كذا. مع السلامه ولاهنت= بشرعك عرفت ان الغلا ملح ذايب

وسلامتكم

صح لسانك واعتلا شانك

قصيدة جزلة من شاعر جزلة

سلمت ودام حرفك

[منيع]

ابيات رائعه
بارك الله فيكم
تحياتي وتقديري

[سلطان العطاوي]

الله الله
يا سلآآآآآآآآآآآآم
صح كلك
قصــيده رائعه بروعة حضورك
لا خلا ولا عدم
تحيتي

[عالي مستواها]

أبو ميا1111س،،،


صح صح صح لسااااااااااانك ،،،


يعطيك العافيه على هالجزله ،،


ولا هنت ،،


يعطيك العافيه

[نفحات حساسة]

صح السانك بومياس..ولاهنت
رائعه كروعه كاتبها..
ماقصرت..تحياتى..

[التوفيق]

جزلة من راس جزل
وشاعر متمكن
صح لسانك مليار
تحياتي

[وليدالبسطي]

الشامخ


ابومياس





صح لسانك على هذا النص


الراقي



تحياتي وتقديري


اخوك


وليدالبسطي

[همس الورد]

ابو ميااااااااااااااس

لروعة القصيدة عدنا لها

مشكور على البوح الرائع

[المتابع]

اطلعت على نص جيد
من شاعر متمكن
صح لسانك
اطيب التحيه

[الطائر المهاجر]

ترفع لمزيد من الردود
التي تستحقها
صح لسانك
ولا هنت
تحياتي