حكمة اليوم

[الطائر المهاجر]

ترى ابرك ساعات الفتى ما بها الفتى=وما فات مات وساعة الغيب غايبه
والعمر عِدّه عارةٍ ولْد ساعه=إلى فات هل تعطى لعمرٍ يعاض به؟
فاغنم متى لاحت من الوقت فرصه=وان هبّ نسناسٍ فاذر في سوايبه

الخلاوي

[الطائر المهاجر]

حياةٍ بلا عزٍّ محا الله حظّها=حياة الفتى ما فاتها العزّ خايبه
فالذّل داءٍ للضّواري يسلّها=كما سَلّ داء السَّل معلوق صاحبه
حياةٍ عداها العز والمجد والثنا=.حياة العنا ليست لْحرٍ مناسبه
فلا بالتمنّي تبلغ النفس حظّها=ولا بالتّأنّي فاز بالصّيد طالبه
ومن لا يعدّي عن حياضه تشرَّع=ومن لا يكرِّم لحيته حِلْق شاربه

الخلاوي

[الطائر المهاجر]

الى حلَلْت بدار قومٍ فدارهم=مراعاة قول الله وفي الشرع واجبه
والدار ما يِحْصَرْ عليها وليدها=دار الفتى ما طاب فيها مكاسبه

الخلاوي

[الطائر المهاجر]

امر الفتى في عالم الذّر قِدْ مضى=وما صاب ما اخطا وما اخطاه غايبه
والارواح زرعٍ والمنايا حصيدها=والموت عِدْ وزرع الارواح شاربه
ولا يَدٍ إلاّ يد الله فوقها=ولا غالبٍ إلاّ له الله غالبه

الخلاوي

[منيع]

انا رفيقه بالليالي المعاسير=ولاالرخا كل يسد بمكاني

[الطائر المهاجر]

ترى شور من لا يستشيرونه الملا=شمعة نهارٍ في ضيا الشمس ذايبه
وترى النصايح في البرايا فضايح=كم ناصحٍ اضحى له الناس عايبه

الخلاوي

[منيع]

ولما رايت الجهل في الناس فاشيا=تجاهلت حتى ظن انني جاهل

[الطائر المهاجر]

وسِلْت الزمن وقلت: شِفْ لي مساعد=صديقٍ يناوبني على كل نايبه
تعذَّر زماني واعتذرني وقال لي=مرامك رجالٍ تحت الأجداث غايبه
كثير الورى قد حوَّل الله حالهم=على الدّار والدّينار في الله كاذبه

الخلاوي

[منيع]

الــجــو يـصـفــى لــــو تــزايــد غــبـــاره=والفجر يوقـظ مـن رقـد فـي عمايـاه
ومـا كـل مـن اكرمـت تكسـب وقــاره=بـعــضٍ خـبـيـث ولـــو تـبـسـم ثـنـايـاه
فالطيب مع من لا يستحقه خساره=فـســنٍ بـســن وكـــل يــجــزا خـطـايــاه
اضـرب علـى الحاقـد وزيـد احتقـاره=واوسمـه فـي علبـاه تظـهـر خبـايـاه
فمـن لا احتـرم للغيـر فـي كـل غـاره=وقــــدر ذكــاهـــم خــاســـراتٍ ســرايـــاه

عثمان العبدالله (الطائرالمهاجر)

[الطائر المهاجر]

تعلّمت من دنياي ما احكم على حدا = بقالوا وقلنا دون علم ودلوله
فكم من اصيلٍ كان للنار موقدا = كريمٍ شجاعٍ كل طيب يطوله
يخلّف لنا بومٍ علينا ينكّدا = يشوّه نعيقه ما بقى من فصوله
وكم من رجل نجهل اصوله ويحمدا= على ما نشوفه من فعال البطوله
فخلّك من اصلٍ صاحبه عنه مبعدا= وفتّش عن اللي يعجبك في فعوله

الطائر