اكمل الأبيات التاليه

[منيع]

ماسحرنا كود من بالحق صامل=وافي صافي ولابه مايشينا
ماهو مثلك دايم بالشر حافل=ماسلم منه البعيد والاقربينا
شيبة ماكروفيه الجور عامل=يشعل الفتنه بكل الحاضرينا
جرجربنت النورولاهو بعادل=والبنيه غافله لوهي رزينا
تحسب انه فاهم ودكتور شامل=وهو عقرب رمل للي خابرينا

ههههههههههههههههههه

[الطامي]

ههههههههههههههههههههههههه
رحت وطي يالعود

خلاص يكفينا رد منيع
الان فك نفسك

[الطائر المهاجر]

ماسحرنا كود من بالحق صامل
منيع يعترف ان الطامي ساحره
والمسحور يقول ما يريده الساحر منه

اعترافك يامنيع امن الفضايل = دامك المسحور حنا قابلينا
شوف لك منهو يفك السحر عاجل=ولو يبي مليون نعطيه الثمينا
وان تركت السحر للسحار قابل= فانت تدخل في عداد المشركينا
ارجع لربك قبل مالحق ياصل=وتجمع بساحرك بالنار اجمعينا

[الطامي]

افزعو ياربعنا اللي بالفطاحل = عودنا خررَف ولاعقله زكينا
نشوف فيوزه ضرب والعقل قافل= تعدى السبعين عمره لابلينا
سنينه من وصلها همه يطابل = احجرو عليه لايمحق علينا
مانفع فيه الكوي ولا المغازل =جيبو له شيخٍ ولو من اهل سينا
او ردو التكرون لدياره وعاجل = قبل يبلانا عسانا مابلينا

[الطائر المهاجر]

من حر ما توجس بديته تكلم = ياالساحر الدجال عقب اعترافه
مالك بسحره حق لو ما تألم= اصبح يعبدك مؤمن بالخرافه
كل ما تقوله صدقه كنه ابكم = غسلت مخه لين اصبح كنافه
ارجع لربك واترك السحر وانضم= لجموع خير ماتعرف الكلافه

[منيع]

ماعلينا منك ياللي تلوم=خابرينك مابك الاالقافه
لوتسد حلقك وعلينا تكرم=في سكوت ماوراه انحرافه
يامهرج كل مابه تكلم=خرفنه لين حد الجزافه
ياالقطو كيف باالله تعلم=عود كبيروزايد بالصلافه

[الطائر المهاجر]

مادام مسحورٍ فلا نيب شاره=حتى ولو اخطيت ياصاح مسموح
الله يفك السحر وادفع بشاره= للي يخبرني فمنيعٍ كما الروح

[الطامي]

ههههههههههه
يقول المثل ( ماطال سمج ) وانتو بيض الله وجيهكم
وصح السنتكم ولاهنتو
وهنا نقف ونقول ماقصرتووو
واخير من طواله شذابها

ولنا لقاء اخر بصفحة جديده

[بنت النور]

صحت السنتكم ومن هنا تقف الإقلام
احترامآ لـ شعراء الفطاحله
اعجاب بتنسيق الحروف
وترصيص الكلمات معبره
لكم احبتي كل الخير والامتنان
تقديري واحترامي لكم
وشكرآ لكل من كتب وعبر

[الطامي]

ولكي شكرنا وتقديرنا
اخت مشاركة ومتابعه