عشرين عام انطر ولا شفت انا شي

[عمر ال شيبي]

المشاركة الأصلية كتبت بواسطة احمد الجريفاني

طلبت عين الشمس عودٍ من الضي=في حلكة الظلماء يولِّع سراجي
قالت لي ابشر ثم غابت عن الحي=وانا لعين الشمس مازلت راجي
لا مر عامٍ قلت ابنتظره شوي=ياعل صبري ينتهي بانفراجي
عشرين عام انطر ولا شفت انا شي=غير الظلام وحيرتي واحتياجي
عشرين عام ومهجتي جرحها نيء=اكابد الحسرات شربي هماجي
الناس قالت وشلك بطرد مقفي=ماطعتهم و اليوم صعبٍ خراجي
حكَّمت قلبي واثري القلب مخطي=الفوت فات ولا يفيد احتجاجي
حفرت قبري ياهل العرف بيدي=يوم اتبع المقفي لموتٍ مفاجي
رحت ابي اعالج قالوا الجرح مبطي=العالم الله كآنك انسان ناجي
وبدأ يبيع الياس فيني ويشري=وضاقت بعيني واسعات الفجاجي
وجيت ابي اقوم وعيّت الرجل تمشي=كني سجينٍ حال دونه سياجي
وامسى نديمي كسرة سراج مطفي=لاليلي انصفني ولا الصبح باجي
عزاه من خلٍ ذبحني واناحي=سكناي الأرض وهو سكن برج عاجي
حسيبك الله كآنك اسرفت بالغي=كيف العزيز يصير برضاك لاجي
ياما دعيتك ريم وخشيف وظبي=ولا هقيت انك تعكّر مزآجي
تركتني في قاعة البير مرمي=ولعبت بي لعب الطفل بالعياجي
آخر علاج العله الخافيه كي=كويتني واخفيت عني علاجي

صح لسانك طيب الذوق رجعنا

[داعي الشوق]

قالت لي ابشر ثم غابت عـن الحـي

وانا لعين الشمـس مازلـت راجـي

صح لسااااااااااااانك

[الدامر]

صح لسانك وقلبك
ولله درك
لاهنت
تقبل مروري واحترامي

[نفحات حساسة]

حسيبك الله كآنـك اسرفـت بالغـي

كيف العزيز يصير برضـاك لاجـي

صح السانك..ولاهنت

رائعه..تسحق العوووده..

تحيتي..

[عبدالكريم العياش]

صح لسانك
رائعه جدا

[صعبة المنال]

عشرين عام انطر ولا شفت انا شي

غير الظـلام وحيرتـي واحتياجـي

صح لسانك

صعوووب

[القيسي]

كتبت فأبدعت وأمتعت
صح لسانك وقلبك
ولا هان راسك
تحياتي الطيبة

[ما يجامل]

تميز في الإبداع
وجزالة في الطرح
صح لسانك
ولاهنت
تحياتي وتقديري

[الـزلـزال]

عدنا
.
.
.

لنستمتع بجمال حروفك المميزة العذبه

صح لسانك ملايين ملايين

ولك فائق تحياتي وتقديري

[حوريه]

قالت لـي ابشـر ثـم غابـت عـن الحـي

وانـــا لـعـيـن الـشـمـس مـازلــت راجــــي

صح لسانك