حرب المحاوره بين شعراء الفطاحلة

[ابو زياد]

انا مابي معاجمكم ولا لي في مثانيها= انا لي معجم بيّن وكل يمسك لزاته
ولا لي خص في هرج تحسبه من دوانيها=انا واعي لهالدنيا وقلبك غط بسباته

[نجم الإبداع]

اجل حاسب على الكلمه قواميسٍ نطويها = يكفي الجزل لامنا تفننا بصفاته
لكم لهجه ولي لهجه بديعه في تجنيها = حشى مابينها داني وقولي عندي اثباته

صح الله بدنكم جميعا ..
اول مره اقراء محاوره من غير ماامل >>ماتحب الشعر مره

بس شفتكم كاتبين الطاروق يعني وش
وآسفه على المقاطعه إن شاء الله ماخربت عليكم بس ودي اعرف معناها وماادري وين اسئل قلت دامه مكتوب هينا خلني اسئل هينا

[الطائر المهاجر]

هلا ببنتي عهود
الطاروق هو اللحن او الشيلة اللي تنشال عليها القصيدة او الأبيات ، فهو اشبه ما يكون بالطريق الضيق
الذي يسمى طاروق عادة يكون في سفح الجبل او التل، ولا يتسع لأكثر من شخص واحد لضيقه ، فشبه
اللحن بهذا ، لأنه لايتسع لأية خروج عليه ، فلابد ان يكون البيت من طاروق او لحن دقيق معروف ....
هذا حد علمي ، ولعل الإخوان يفيدونك أكثر . فنحن يهمنا ان يتذوق غير الشعراء الشعر ، ويتفاعلون
معه .

[ابو زياد]

انا لا جبت لي كلمه وبه ناس ترزيها=فلاني شايل هم الغشيم وهم غفلاته
والى خاطبت لي قوم تصيد في موانيها=فابرميهم بوسط اليم واضيعهم بغباته

[الطائر المهاجر]

انا ما هقوتي تسبح ولا حتى بمطاويها = تحت دشك ولا تغرق وخل اليم وحكاته
اعرفك ضب ما له بالمياه ولا يدانيها = وثوبك ما تغسله خوف يدرى وش بمخباته

أنا مدري ورا المشرف دروبه قام يلويها = يرمز كنه الجرذي .. الا ياشين عاداته
نجي منا .. يجي منا .. يخمخمها ويخطيها = وشفته منسدح عندي الا ياكبر جمهاته

[ابو زياد]

ترى بعض العرب تجزع مدام انك تكويها=وانا ماجبت لك هم والا المخطر وكوياته
وابشعل ناري الزرقاء على الفتنه واراعيها= وابي هالناس تتفرج على الليل ومجراته

[الطائر المهاجر]

انا كالسيل في دربه فلا له في علاليها = يدور ما انخفض يجرف نديم بكل حسراته
ويمسط بالنخل حتى عروقه ما يخليها = مثل قيطون واتباعه ومن صار بموالاته

تبي من يجمعك مع ناس قد كويت علا بيها= والى جا الليل كل قام يتحدى بوناته
تعرف الحق مع ناس على كتوفك تعليها =وترى حلم الفتى يكثر الى من زاد في سباته