علام صاحبنا تغير علينا

[الطائر المهاجر]

اربط حزامك يالخوي العوينا = وابحر مع التيار لاصرت مفتون
وما دام ربك ارحم الراحمينا = يغفر لك اللي صار لو صرت قيطون

[داعي الشوق]

عذرا على التعبير يالغانمينا = لو كان قولي عكر البال واللون
بغيت نلعب مع طوير شجينا = هذاك شركي صايده فيه مضمون

[الطائر المهاجر]

يالصايد المصيود خلك ذهينا = الصقر ما يفرس صقر لو يقولون
واللي نصب للشرك ياقع يقينا= كم واحد في حفرته طاح مدفون

[داعي الشوق]

المشاركة الأصلية كتبت بواسطة الطائر المهاجر

منيع لاتسند على الضاعنينا = خلك مع اللي عارفك لو يجهلون
حنا هل الجنه مع الصالحينا = وانتم مع اللي مادروا وين يمشون

ــــــــــــــــــــــــــــــ ـــــــــــــــــ

يا منيع دوك الطير يبغي العوينا = يبي له إسعاف ورا ما تردون
ردوا عليه إن كان لو كلمتينا = من شان ما يجزع من اللي يحومون

[ابو زياد]

الله يبيض وجهيكم
متابع

[منيع]

ياسعود لاصطكت الاسنه لفينا=ولاشوف شي يستحق وانت مامون
عيني تناظركم على كل حينا=ياالله عساكم بالمحبة تدومون

[ابومياس]

ماقصرتوا
استمتعنا

[عبدالرحمن الصباح]

بيض الله وجيهكم ماقصرتو