راس الافعى ومجلس الأمن

[عبدالعزيز العمار]

شاعرنا الطائر المهاجر

صح لسانك وفكرك

قصيدة جزلة ومحكمه في كل شئ

تحياتي وتقديري

[الطامي]

راس الافعى في وشنطن وذيلها في تلّ ابيـب
ماخذٍ راحته يلـدغ مـن يشوفـه او يمـرّه
ومن شكى للراس فعله قال مسكيـن وحبيـب
انت مخطي وانت مجرم وانت من فيه المضرّه
ذيل طيّب ما يهاجـم مـن بعيـد ولا قريـب
كل من حوله حقـود وللبحـر ينـوي يجـرّه
حاكمٍ متحكّمٍ فـي مجلـس الأمـن العجيـب
لو بغى ينظر بجرم الذيـل "بالفيتـو" يفـرّه
،،،،،،،،،،،،،،،،،،،،،،،،،،،
الطائر
صح السانك
رائعة جدا
لاهنت اخي

[أم عبدالعزيز]

صح لسانك وقلمك
ولا هنت
جزلة وطيبه

يعطيك العافيه

[عمر ال شيبي]

المشاركة الأصلية كتبت بواسطة الطائر المهاجر

راس الافعى في وشنطن وذيلها في تلّ ابيب = ماخذٍ راحته يلدغ من يشوفه او يمرّه
ومن شكى للراس فعله قال مسكين وحبيب = انت مخطي وانت مجرم وانت من فيه المضرّه
ذيل طيّب ما يهاجم من بعيد ولا قريب = كل من حوله حقود وللبحر ينوي يجرّه
حاكمٍ متحكّمٍ في مجلس الأمن العجيب = لو بغى ينظر بجرم الذيل "بالفيتو" يفرّه
كلش إلا الذيل لايمكن يمسّ بغير طيب = ومن يحاول شاف مالا يمكن بيومٍ يسرّه
لكن المشكل بعضنا قرّب الراس المريب= واثقٍ به رغم علمه ما خفى من كيد شرّه
راس مجرم لو تخبّى خلف إعلامٍ رهيب = صوّره في ثوب منقذ في جميع الكون طرّه
كل همه نهب ثروه وكيف يثأر للصليب= ولا لقى منهو يعدله كود يصحى لو لمرّه
لو تبسّم للشيوخ من الحقد واخذ نصيب = كم لدغ من شيخ قومٍ كان في الماضي يبرّه
حيّة الدولار تطرب والدماء تشخب شخيب= اخطبوط الكون مصاص الدما ببحره وبرّه
اسألوا بغداد تحكي والفلوجه في نحيب = واسألوا الأفغان والصومال كلٍ ذاق مرّه
وناظروها اليوم ترقص تلبس الثوب القشيب= من شِوا اطفال غزّه تحتسي نخب المسرّه
كل هذا الكون ادرك انه الخصم الحريب = إلا من لازال فهمه قاصرٍ واصبح يغرّه
جامد الإحساس صامت ما نطق لو هو خطيب = ولو تحرك حسّ صخره ما تحرك فيه ذرّه
خادرٍ مثل الشياه اللي تراقب زول ذيب= تحسبنه ما يشوف ولا عرف للشاة جرّه
ولو رمى بعض القشور بدربها ماهو غريب= كود تلهى باجترار اللي رمى حتى تثرّه
ولو تقدّم له ضناها وتعتقد انه صحيب= ما يخليها ولو هو داله بفرّه وكرّه
من سلك درب التبطّح مالقى له من مجيب = ومن نطق بالحق كلمه.. فارسٍ لله دّره
كل شمسٍ ما تطوّل تنتهي وقت المغيب = وكل ليلٍ لو يطوّل يعقبه للفجر طرّه

كل الاحترام والتقدير لسمو حرفك الغالي

ابدعت النظم وابدعت القاف

قلت ما في صميم انفسنا لا هنت ابد
ايدك الله وشدد خطاك

صح لسانك يا حكيم الشعر

[الطامي]

اسألوا بغداد تحكـي والفلوجـه فـي نحيـب
واسألوا الأفغان والصومـال كـلٍ ذاق مـرّه
وناظروها اليوم ترقص تلبس الثوب القشيـب
من شِوا اطفال غزّه تحتسي نخـب المسـرّه
،،،،،،،،،،،،،،،،،،،،،،،،،،،،
الطائر
صح السانك
رائعة جدا
لاهنت اخي

[حي الضمير]

صح لسانك ملايين
قصيده رائعه وابدعت بارك الله فيك
أجزل التحايا والاحترام

[عبدالرحمن بن زهير]

صح لسانك يالطائر المهاجر وبيض الله وجهك

[عبدالله الدخيل]

حيّة الدولار تطرب والدماء تشخـب شخيـب
اخطبوط الكون مصاص الدما ببحـره وبـرّه
اسألوا بغداد تحكـي والفلوجـه فـي نحيـب
واسألوا الأفغان والصومـال كـلٍ ذاق مـرّه


صح لسانك وبارك الله فيك دكتور متميز

من سلك درب التبطّح مالقى له مـن مجيـب
ومن نطق بالحـق كلمـه.. فـارسٍ لله دّره
كل شمسٍ ما تطوّل تنتهـي وقـت المغيـب
وكل ليلٍ لـو يطـوّل يعقبـه للفجـر طـرّه

[الطائر المهاجر]

شكرا لكل من مر هنا
لاهنتوا
اطيب التحيه

[الطائر المهاجر]

شكرا مجدي
على كريم المتابعه
لاهنت
اطيب التحيه