الزموا الصف يالنشامي .. خلوووووووووووووووووها ؟

هيه ياشعار بالله اوزنوا نطق اللساني = اللسنتكم حصنوها للتناطق بالخطيه
اللسان احصان لن صنته لك الله فلك صاني = كان هنته هانك افعل ماتشاء والرد زيه
سيروها للوسيعه للفسوح وللاماني = ومن يدور للرديه والله ان ساسه رديه

[نجم الإبداع]

مرحبا بك يامركد لايكون رحت اصفهاني = طالت الغيبه ودار العلم من راعي البليه
نحسب الساعات في غيبتك ياخي والثواني= عودنا صادق في المشوار والنيه مطيه
السوالف بيننا تسري من اعماق المحاني= من عقولٍ راشده والفكر ماحله رزيه

البقا بك يافلاح إعداد من صام رمضاني = اصفهاني فارسيه واللسنتنا يعربيه
كان طالت غيبتي والله من ظرف ٍ حداني = والبنادم في حياته سيره رب البريه
والمعاني واضحه معاد تبغى ترجماني = يا شبابي يا شبابي بدل النيه بنيه

[نجم الإبداع]

مستحيل العلم واحد ماقوى الاحلاف عاني = ضيعوا بغداد ياصاحب على احلافٍ بغيه
كلنا من شعب واحد صار غندف لي عواني = راح وقت التفرقه واحنا نبذنا العنصريه
انت بين ارجال مافيهم لحب الخير شاني = كلنا دون الديار الروح نرخصها حميه

[سـعـد الحويماني]

مرحبا بك مرحبا بك عد مايقرا بياني= وعد ماتكتب وتنطق هالحروف الابجديه
يامركد يامركد طع شوري لاتعصاني=انتبه ياخوك واحذر من دروب المهمهيه

المشاركة الأصلية كتبت بواسطة سـعـد العتيبي

مرحبا بك مرحبا بك عد مايقرا بياني= وعد ماتكتب وتنطق هالحروف الابجديه
يامركد يامركد طع شوري لاتعصاني=انتبه ياخوك واحذر من دروب المهمهيه

الدقايق بالدقايق والثواني بالثواني = والمعاني بينت لي بعد ماكانت خفيه
آه ياكبر الخطايا .. مير عودني زماني = انشد الشاطر عن اللي شال عطر المزهريه

[سـعـد الحويماني]

المشاركة الأصلية كتبت بواسطة ناصر القزلان

الدقايق بالدقايق والثواني بالثواني = والمعاني بينت لي بعد ماكانت خفيه
آه ياكبر الخطايا .. مير عودني زماني = انشد الشاطر عن اللي شال عطر المزهريه

يانديم الليل توه علمنا ما بعد باني=وانت لك عندي معزه وفوقها لك مقدريه
لا تسرع لاتسرع واعرف ان العمر فاني=والخوي لابد يدمح غلطةٍ جت من خويه

سعد العتيبي
نديم الليالي
بيض الله وجيهكم
متااااااااااابع
تحياتي

[سـعـد الحويماني]

ارحب يابو عبدالله

ماودك ناخذ طاروق على السريع

متحمس الاخو

وجودك مكسب وفخر

[الطائر المهاجر]

جاكم القزلان يركض بعد عرسٍ في حلباني = امتلا بطنه ولا له بالمحاور من بغيّه
اصبروا حتى تفتح عينه اليسرى ثواني = ثم يمكن عينه اليمنى تخاويها شويه