جاهلية في بعض المنتديات

[هاجس نجد]

المشاركة الأصلية كتبت بواسطة الطائر المهاجر

جـاهلية .. جاهلية .. شفتهـا ببعض النوادي = القبيـله والعشيره تنتخا لاجـل الحمّيه
يوم تكشف عن خطيّـه عندهم هذا انتقـادي = كلّهم ولدوا نجوم وكل يحمي ظهر اخيّه
تبتدي مع شخص واحد وتكسب الباقي معادي = ولو تناقش في ركاده شفت منهم عنجهيّه
اقلبـوها عنتـريّه مـن حـروفٍ كالحـدادي = وانت يالعاقل تفكّر وش حصل ليه الأذيّه
ما دريت عن عقـولٍ بالجهـل تركيب احـادي = ما تأثر بالحضاره ولا علوم الأبجـديّه
وكان نجمك في صعودٍ كـم تلاقي من نكادي = من نفوس في مرضها كل خبث بالطويّه
الحسد والحقـد واضح ما يبي له اجتهـادي = ليه تنجح في مجـالك وليه حبّـوك البقيّه
جـاهليّه... ياعقـولٍ في جهلهـا بازديـادي = تنتظر مثل العقـارب تلدغ الرجل البريّه
كم تحطم من اديب وشاعرٍ ما هـوب عادي = وكم تقفل من نوادي والسبب عصبه رديّه
وكم تشوه اسم واحـد غيبةٍ بين العبـادي = والسبب كـونه تألق صار نجم المهمهيّه
وتدّعون الدين ظـاهر يا عقـول بلا رشادي = تخدعون النفس اول والله اعلم بالخفيّه
لعنبـو شعـرٍ بقـلبٍ حـاقدٍ كلـه سوادي = ما نظف مع كثر بوحه تقل سم بجوف حيّه
الشعر احساس مرهف بالجمـال ولحن شادي = ماخبر احجـار تشعر ما لها روح وهويّه
الشعر يعطيـك روحٍ للمحبّـه والــودادي = والشعر يعطيك عقـلٍ تحترم باقي البريّه
والشعر يعطيـك درسٍ تجتنب بعض النـوادي = دامها بالحقد تنضح من بقايا الجاهليّه

الأخ العزيز الغالي/ الدكتور عثمان العبد الله

صح لسانك مليون في مليون

ياسلام عليك والله بدون مجاملة

أقول

أنت عقلك كبير وفكرك مستنير وأتيت بما يرضي الضمير

لله درك على معالجة هذه الامور بقصائد إجتماعية هادفة

والتي تفشت للأسف وظهرت للعيان مع ظهور شاعر المليون

حيث أنها تشجع على بروز النعرات القبيلية الجاهلية وإحيائها

عند بعض الجاهلين والضالين طريق الحق والصواب.

تقبل وافر تحياتي وتقديري,,,

أخـــــوك

هاجس }{ نجــــــد

[الأموره]

صح لسـآنك ملايين يخوي

سلمت و سلم فكرك

الف شكر لك

دمت برعاية الخالق

[صعبة المنال]

للتميز عودة

صح لساااانك

صعووب

[مشبب عبدالله القحطاني]

صح لسانك ولاهان منطوقك يابو عبدالله

قصيدة رائعه تحكي أمور كثيرة في حياتنا نعيشها ونعايشها

لامفر منها ولا مناص والكل يتغنى بليلاه

بيض الله وجهك وجعلك سالم وغانم

لك شكري وتقديري واحترامي

[الطائر المهاجر]

شكرا للفاضلة زهرة اللوتس
على كريم الحضور والتفاعل
لاهنتي
تحياتي

[صنداح الزلامى]

الشاعر / عثمان العبدالله


صح لسانك واعتلا شانك اعجابي


واحترامي ودمت بخير حال

[صعبة المنال]

للتميز عودة
سلمت
وصح لسانك على الرائعة

صعوووب

[داعي الشوق]

صح لسانك يالشاعر
قصيدة تستحق العودة لها

لجمالها

صح لسانك

،،،،،،،،،،،،،،،،،،

[معشي الشجر]

مليون صح لسانك
ابداع × ابداع
لاهنت
أطيب تحياتي