عطني ضميرٍ حي واعطيك انسان

[شجون القصيد]

مهما تخادع انكشف زيف الالوان
صهيون تحكمها بخبث وحقـاره
لاتقول اوبامـا يخالـف نتنيـان
دميه تحرك مثل باقـي الحجـاره


صح لسانك ولاهنت

عوده للتميز والابدااع

لافض فوك

تحياتي

[بنت العز]

صح لسااانك مليوووون


شاعر جزل و مبدع و رائع

و لاهنت

[فهد الغنام]

المشاركة الأصلية كتبت بواسطة الطائر المهاجر

عطني ضميرٍ حي واعطيك انسان= في غابةٍ ترفع شعار الحضاره
مهما تخادع انكشف زيف الالوان= صهيون تحكمها بخبث وحقاره
لاتقول اوباما يخالف نتنيان = دميه تحرك مثل باقي الحجاره
الحكم للدولار في كل ميدان= والشاطر اللي يستغل التجاره
وصهيون سخر مكسبه وين ماكان=حتى تحكم في شئون الإداره
يدير اوباما وغيره بإتقان = ويستخدم الإعلام يخدم شعاره
ماقال قالوا صدق مافيه بهتان= ومهما فعل قالوا السبب من جواره
وحنا رغم ثرواتنا مالنا شان= كلٍ بنفسه لو يبيع لدياره
ما كننا احفاد من ساد الاكوان= من كل مسلم في ضميره طهاره
ماهمته دنياه لو كان جوعان= يبي رضا الرحمن في كل غاره
واليوم صرنا بين غافي وعميان= ما يعرف انه ماشيٍ بانحداره
يحسبه في مأمن ولو شاف دخان= ما يدري ان النار بأول شراره
صهيون خطط كل شيٍ بحسبان= وحنا الهدف ياجاهلين الإشاره
حقده على الإسلام مافيه قولان= وحقده على العربان يرسم مساره
اليوم في غزه وبكره بتطوان= وبعده اراضي النفط غاية قراره
ان ما نفضنا غبار ذلٍ وخذلان= مصيرنا ليلٍ توارى نهاره

شاعر خطير وتدق على الوتر الحساس بس الظاهر اخرتها بالحاير....


صح لسانك يا دكتور قصيدة رائعة وهادفة ...

شكلك ماعاد فيك شده للحب والغزل عودة على السياسة ..


العمر له دور هههههههههه أمزح

عطني ضميرٍ حي واعطيك انسان= في غابةٍ ترفع شعار الحضاره

لوقلت .. عطني ضمير (ن) حي واعطيلك إنسان .... في غابة(ن) ترفع شعار الحضاره

يمكن يكون اخف اثناء قراءة البيت ... وجهة نظر فقط

عندي يهود القدس أرحم من إيران = اللي تخطط للخليج ودماره
وإن قلت يادكتور تراك غلطان = قلنا جنوب الدار من شب ناره

[مسلم عواد العميري]

الله ..الله على الابداع
صح لسانك وفكرك
نص رائع وجزل
لاعدمنا تواجدك ياغالي
تحياتي

[عبير الورد]

ان ما نفضنا غبـار ذلٍ وخـذلان
مصيرنـا ليـلٍ تـوارى نهـاره


ابداااااااااااااااااع يستحق العووووودة
صح لساااااااااااااااانك ملايين
ولاهنت يعطيك العافية

[نفحات حساسة]

ماقال قالوا صدق مافيـه بهتـان

ومهما فعل قالوا السبب من جواره

وحنا رغم ثرواتنـا مالنـا شـان

كـلٍ بنفسـه لـو يبيـع لديـاره

صح السانك.. ولاهنت

نص رائع بجبرنا على العوده والأستمتاع

يعطيك العافيه..وسلمت

تحيتي لك..

[وليدالبسطي]

الله الله الله


يادكتور


راقي في الطرح

لاهنت

اخوك

وليدالبسطي

[عبدالله مذكر العقيلي]

صح لسانك

ودام نبضك

تحيتي

[أم ريما]

ما كننا احفاد من سـاد الاكـوان

من كل مسلم في ضميره طهـاره

ماهمته دنياه لـو كـان جوعـان

يبي رضا الرحمن في كـل غـاره

واليوم صرنا بين غافي وعميـان

ما يعرف انـه ماشـيٍ بانحـداره

صح لسانـــــــــك

قصيده روووعه وفي الصميم

صدقت والله

يعطيك العافيه والله يكثر من امثالك


تحياتي لك

[الفنان فهد]

وحنا رغم ثرواتنـا مالنـا شـان
كـلٍ بنفسـه لـو يبيـع لديـاره
ما كننا احفاد من سـاد الاكـوان
من كل مسلم في ضميره طهـاره


الله الله صح اللسانك يا ابو عبدالله ولاهنت
تحياتي لك ............ز فهد