((( تكفون يأهل المنتدى ساعدوني )))

الأخ فهد الغنام صحة جميع جوارحك.
بهذا النص الرائع بدأنا نجدأثر(جرة)الشعر الجزل من بين الأثار الكثيرة المتشابكة للشعر في هذا الزمان. تقبل صادق الود،،،،،

[حي الضمير]

ابيات جزله من راس جزل
الشاعر فهد الغنام صح لسانك

[صعبة المنال]

المشاركة الأصلية كتبت بواسطة فهد الغنام

(( أنا حبيبي ))

يالربع من عنده اعلاج المواليـف=تكفون يا هل المنتدى عالجونـي
لي صاحبٍ في جرح الاحباب كييِف=يفرح إلى شاف الحزن في عيوني
يقول هذا الحب ما هو سواليـف=والله لجنن عاشقي فـي جنونـي
حبٍ يجي ويروح مثل العواصيـف=خلّـه لنـاس بالهـوى يلعبونـي
أنا حبيبي لا زم ايصيـر حريِـف=يفهم ويعرف وش خفايا شجونـي
لا مرته فكره مـرور الخواطيـف=يحلهـا لوهـي صعيبـه بدونـي
ابيه صلف ولا يجي خبل وضعيِف=وابيه حسّاس المشاعـر حنونـي
وابيه يبرك للحمـول المراديـف=ومن ضرب كفه لشرف ياردونـي
وابيه لا عدا بـروس المشاريـف=يقنب قنيب مشرهفـات الاذونـي
ما بيه ملقوفٍ سـوات الملاقيـف=اللي محبتهـم علـى كـل لونـي
لا جا لزومه باللقا فر مـا شيِـف=ما هو من اللي لنضـا ينطحونـي
ولا بيه متّحضر ولا قد سكن ريف=ولا بيه من قوم الطرب والفنونـي
ابي بدوي ما فيه غشٍ وتزييِـف=وبّال مـع ذوده يجـر اللحونـي
هذا مرادي والعـذارى تواصيـف=وكلٍ على كمـه يفصـل اردونـي
وإن كان عودنا على نيف ومنيف=يا ليتهم مـن حبهـم يرحمونـي
حبٍ يجي ويروح مثل العواصيـف=ماله اثر فـي خافقـي ياعيونـي

فهد الغنام الشمري

الله يكون بعونك وعون المحبيبن

وصف مبدع

صح لسانك وفكرك


صعبة

[الطائر المهاجر]

ترفع لمزيد من الردود التي تستحقها
صح لسانك واعتلى شأنك
ولاهان راسك
تحياتي واحترامي

[حوريه]

صح لسانك واعتلى شانك رااااااائعه

دمت بخير

[رفيعة الشان]

حبٍ يجي ويروح مثل العواصيـف
خلّـه لنـاس بالهـوى يلعبونـي
=
حبٍ يجي ويروح مثل العواصيـف
ماله اثر فـي خافقـي ياعيونـي

........
الاخ فهد

ابيات جميلة وفريدة من نوعها
صح الله لسانك

[عبدالعزيز العمار]

الشاعر فهد الغنام :

صح لسانك وجاد بيانك ...

قصيدة رائعة بروعة حضورك لاهنت ..

كل عام وانت بخير ..

تقبل اجمل تحيه ..

[همس الورد]

صح لساااااانك مليون

و صح بدنك

و عـــــــــلا شانك

بوووووح رائع

تحيتي و تقديري

[منصور العبدالله]

فهد الغنام الشمرى


ابدعت ياقرم

غير مستغرب منك

وجتك الفزعات من كل صوب
ابشر بعزك

[عبدالرحمن بن زهير]

صح الله لسانك يا فهد على هذا الابداع والابيات الرائعه ودمت بود....تحياتي