ترسم الذاكرات ابعادها في الخيال

[عمر ال شيبي]

المشاركة الأصلية كتبت بواسطة نجم الإبداع

كل مخلوق له صوره يراها الشهود=وكل صوره لها من واقع الحال بال
صورة النسر ماتشبه لشكل الفهود =والفوارق كبيره بين ذيب وغزال
غير الانسان له بالوجه فرق الخدود=والجوارح وعقل وقلب لو به عدال
للعرب شكل مايشبهه لون اليهود=ناظر الروم والفرسي ورسم الجمال
والذي من ديار الصين وارض الهنود=والذي من جنوب افريقيا والشمال
كل واحد بصوره واضحه بالوجود =ترسم الذاكرات ابعادها في الخيال
الا شكل السعودي مختلف بالوقود =شكل منفوخ شيخ ولابسٍ له عقال
صورة اهل السعوديه مع الناس كود=كل واحد سعودي يمتلك راس مال
يعرفون السعودي في بلاد السنود=بالبذخ مايحسب قرش والا ريال
ينثرون الدراهم مثل نثر الورود=كل ماراح ديره صاب اهلّها هبال
هذي الصوره الي عنك في كل مود=يالذي ماتلاقي العيش قبل الهلال
والله اني لقيت احساس بين الوفود=اني املك ثلاث ابار بترول فال
كلما شافني واحد بدى لي يرود = يحسب اني معي له خرج باقي الغلال
مادرى اني على راتب ببذل الجهود=مايسدد فواتيري وعندي عيال
قلت له عند رب البيت خير الوعود=اطلبه مامعي لك غير صفر الدلال
قال خاف الله وخرّج زكات النقود=واعطنا ثم يوم اكثر علي الجدال
صحت قلت اقرب المصحف قبل ماتعود=وابلغ الي عطوك الصوره يابن الحلال
احلف ان اكثر اهل المملكه لو تجود=تظهر ألْك السعه من ضيق مثل الجبال
وانهم صابهم بالناس عين الحسود=والسبب من جشع من صور الحال شال
اغلب الناس تحت الدين ترزح سهود=والبقيه بما منّ الولي به كلال
السعودي صبور ولا بقلبه جحود =عزة النفس طبعه سلم والا قتال
مايخون الامانه حافظن للسدود = غير لافاض كيله قام شد الرحال
يطلب الخالق الي صاغ هذا الوجود=مادعى غير رب البيت راعي الكمال
ليت من يردع التجار قبل السنود=قبل مايبلغ السيل الزبى واختلال
قبل ماينثرون الفتنه اهل المرود =والعوارف تحس الوضع شرق وشمال
البلد فيه خير وفيه بالناس فود=غير لاهل الفساد صروف والفقر دال
شرذمه تملك اموال البلد في كنود=ماهي الخالده ومصيرها للزوال
بينهم كل متجبر وقلبه حسود = والانانيه دين حريمهم والرجال
مابنو بالبلد غير اختراقات سود=افشو الرشوه وارسو بالديار الزلال
ردها الله لدرب الحق ردن يسود =او خذاها وبدلها بخير ونوال
ليت ابو متعب المقدام آل السعود=الملك خادم البيتين ينهر هزال
والله انا على حبه بوقت السجود=ندعي الله يسدد رميته والمقال
ووالله انه حريٍ بالمكارم ودود = مادرى والبطانه تعطي الصوره عال
الله الي امر بالعدل والعدل زود=دين الاسلام والتوفيق من ذو الجلال
والذي صورو لابن البلد رسم قود=ترسم الذاكرات ابعادها في الخيال

قلت الواقع وصح الله لسانك
واللي نشوفه قد وصلته باسلوبك الطيب
لا هنت وشكرا لكم

[حوريه]

ابدعت يا نجم
صح قلبك مليووون ولا يكفوون
تقديري لك

[حوريه]

الله الـــــي امــــــر بــالــعــدل والـــعـــدل زود
ديـن الاسـلام والتوفـيـق مــن ذو الـجـلال
والــذي صـــورو لابـــن الـبـلـد رســـم قـــود
تـرســم الـذاكــرات ابـعـادهـا فــــي الـخـيــال


صح لسانك

[نجم الإبداع]

المشاركة الأصلية كتبت بواسطة عبير الورد

يعرفون السعودي فـي بـلاد السنـود
بالبذخ مايحسـب قـرش والا ريـال





عودة للإبداع
صح لساااااانك ملايين
يعطيك الف عافية

صح بدنك عبير

وشكا لطيب المرور

لاعدمتك

[عبير الورد]

كل واحد بصوره واضحـه بالوجـود
ترسم الذاكرات ابعادهـا فـي الخيـال



ابدعت فعدنا

صح لساااااانك ملايين
يعطيك العافية

[عبدالإله]

أشهد انك شاعر جزل

قصيدة إعتلت عاليا

صح لسانك

و لاعدمناك

@@@@@@@@

[عبدالعزيز الرقابي]

عوده لمصافحة الجزاله والإبداع

صح لسانك وسلم فكرك يافلاح

مودتي

[بدر العيد]

كل مخلوق له صوره يراهـا الشهـود
وكل صوره لها من واقع الحـال بـال
صورة النسر ماتشبه لشكـل الفهـود
والفوارق كبيره بيـن ذيـب وغـزال

صح لسانك

[الخنساء]

السعودي صبـور ولا بقلبـه جحـود

عزة النفس طبعـه سلـم والا قتـال

مايخـون الامانـه حافظـن للسـدود

غير لافاض كيله قـام شـد الرحـال

يطلب الخالق الي صاغ هـذا الوجـود

مادعى غير رب البيت راعـي الكمـال

صح لسانك مليوووون

قصيدة اجبرتنى للعووووودة

[ماجد الراشد الهيري]

ماشاء الله على هالقصيده فخامة طرح وقلم مميز ونجم ابداع فاق كل التصور اسجل اعجابي
ولاهنت ولاهان راسك