المهاجر تفضل

[الطائر المهاجر]

من سمع بعض هرجك قال ياكل غبيب= مالقى للجديد وزاد نبه نبيب
ولا دريت ان الصليب اليوم اصبح رهيب= والهلال اللذي تنخيه يشكي السقوم

يوم اهاجر ابي سيكل ولا له اطار= كودي اسمع صريخه كلما استدار
مايفيدك جلوسك دام مال الجدار = كل بيتٍ بلا سيسان طايح لزوم

[محمد بن عمار]

استلم يابو سيكل ... ههههههههههه

مهما حاولت ما ظنيت تلقا مجيب = صار ضرب الحبيبة غير أكل الزبيب
شوف حالك لكوي الراس ما يستجب = واضح ٍ في كلامي وافتهم يا فهيم

عندنا من سمان البل وشخب الحليب = وعندنا الدلة الصفراء وعودين طيب
وعندنا الملعبة ، وامجهزه للعيب = في الفطاحل علوم رجال نعم العلوم

[الطائر المهاجر]

تعترف بالصقه من شان تاكل صبيب= لو بطينك معسك وصرت تشخب شخيب
مين فينا يتحمل كيته يانجيب = ماوضح لي كلامك وافتهم يافهيم

اي بل تناخي وما لقيته لجيب= دتسنك هالقرنبع ماقطع بك شعيب
وملعبتكم تلاشت ما عليها رقيب= وابن مذكر نساها بعد خار العزوم

[محمد بن عمار]

مارج البيض الا منّه نفاه الربيب = طاح من عالي الأشجار واصبح حطيب
وأنت جسمك من الأوصاف هذي قريب = واضح ٍ في كلامي وافتهم يا فهيم

رقّ عظمك وصار الحال جلد وعروق = وداير الدم عيّا في عروقك يسوق
والتردّي بدأ والجلد كله شقوق = في الفطاحل علوم رجال نعم العلوم

[الطائر المهاجر]

ومارج البيض لو انه بعلمك عطيب= ماتعرف الديايه لين يصرخ ببيب
وانت مثل الديايه في الترجن رغيب= افتهم للهروج ان كان باقي فهيم

الذيابه لها هيبه بدار الشروق= لو تشيب لها نيبان للي دروق
انتبه لاتحوشك خابرٍ انك ذروق= وفي الفطاحل علوم رجال نعم العلوم

[محمد بن عمار]

قلت لك قبل هذا مالوضعك طبيب = وماهقيت ان من يجهد معك بيصيب
تبي مذّن وامام !!! وفوق هذا خطيب = واضح ٍ في كلامي و افتهم يا فهيم

والله ان الذيابه شرق وانت بشمال = وايتورّا لشوفك شيء مثل الخيال
كان ما هو خرف فالظاهر انه هبال = في الفطاحل علوم رجال نعم العلوم

[عبير الورد]

صحت السنتكم يامبدعين
استمرووووو
ونحن متابعين

[الطائر المهاجر]

قايلٍ لك تبي لك بعض كرب السبيب= لين تنطق مثل جربوع عند المغيب
او مثل ضب يحشر ثم يقلع بهيب= والله انك تدودل ما بوضعك سليم

وش يدري النعامه عن ذياب الجبال= لين تهجم عليها ثم تركض جفال
احول ما تشوف ولا تعرف الرجال = في الفطاحل علوم رجال نعم العلوم

[زهرة اللوتس]

صحت السنتكم
مبدعين وممتعين
لاهنتوووو
متابعين
تحية طيبه