فجأه رحل عنا بلا أي انذار

[بنت العز]

رحمه الله رحمه واسعه والهم اهله الصبر والسلوان
يعطيك العافيه شاعرنا
تسلم لاهنت
تحياتي

[المنتصر]

تقبله الله في فردوسه
صح لسانك
ولا هنت
ودي وتقديري

[البحار]

غفر الله له ورحمه
كفيت ووفيت
صح لسانك
ولا هنت
دمت بود

[أم ريما]

السلام عليكم ورحمة الله وبركاته


الله يرحمه ويغفر له
وصح لسانك
الله يحسسسسسسسسن خاتمتنا

[الخنساء]

المشاركة الأصلية كتبت بواسطة الطائر المهاجر

فجأه رحل عنا بلا أي انذار = من دون حتى ما يودع حدينا
محدٍ درى منا متى ضرب الاعصار= والاّ متى يرحل عزيزٍ علينا
واثر القدر بالفاجعه دوم دوار= لا من نسينا ما تناسا يجينا
راح الذي نبراس من عز الاخيار= شهم عزيز النفس ذرب اليمينا
عاش بكفاف ولا بغى زود دينار= ولا دور لجاهٍ بحني الجبينا
دايم يقول العمر ياخوك ادوار= وانا انتهى دوري بحق ويقينا
جاني الخبر صدمه فلا ادري بما صار= واذهلت مدري ما الشمال ويمينا
ولولاي مؤمن بالقضا قبل الاقدار= لا قول ليه الموت ذا مبتلينا
اختار ابني فجأةٍ دون اخطار = واليوم اخوي بطعنةٍ في الوتينا
انهد ركني ما بقى غير تذكار= ومع كثر صدماتي فلا اظهر ملينا
في صمت اعاني رابط الجاش صبار= وارجي من الله ما رجى الصابرينا
وانا انتظره ولو يجي دون اشعار= مليت دنيا الذل والخانعينا
دنيا نفاق وكذب ووجيهٍ كثار= من اجلها ضعنا مع التايهينا
اموات لو عشنا وزدنا بالاعمار= وش فايدة اجسام تعمر سنينا
يرحمك ربي عالم كل الاسرار = ويجمعك بالفردوس بالخيّرينا

صح لسانك مليون ولايكفون

قصيدة مؤثرة جسدن الم الاحساس

رحمهم الله وجمعكم اله بهم بالفردوس الاعلي

وانا لله وانا اليه راااااجعووووووون

سلمت ودام نبضك

غفر الله له وجبركم في مصابكم
قصيدة جزلة من راس جزل
وشاعر متمكن
صح لسانك الف
ولا تهون
تقديري

[عاشق الابداع]

رحمه الله وتقبله
وعظم اجركم
وانا لله وانا اليه راجعون

[المتابع]

غفر الله ورحمه واسكنه فسيح جناته
والهمكم الصبر والسلوان
دمت بخير

[بنت العز]

سلمت ولاهنت
يعطيك العافيه
تحياتي

[قطرة ماء]

مرثية مؤثرة حزن واضح تكسوه الحكمة بكل معانيها

في ابياتك الرائعة التي صورت لوعة الفراق مع مجاهدة النفس

وحثها على الصبر.

صح لسانك .