(( قصيدة سريالية ))

[حي الضمير]

المشاركة الأصلية كتبت بواسطة فهد الغنام

بسم الله الرحمن الرحيم ...

أسعد الله صباحكم بالورد والفل والياسمين >>> الله يعين الزهور علينا اليوم

صدقتوا إني بكتب قصيدة سريالية ...أصلا مدري وش معنى سرياليه ..

المهم قصيدة درامية .. لأني أعرف الشيبان يحبون القصائد الدرامية ...

وتراي ما قلت ابوعثمان انتبهوا ..

إليكم القصيدة ..... خلوها تعدي هالمره .. ولاعاد أعودها

جرّيت رجلي غصب من دون في دون = أدناة شي(ن) حاش رجلي عثرها
وساق القدم وإنساق ساقي بلا عون = تنساق رجلي وين ربي ومرها
وحدّتني القدره ومرّيت مشطون = بيته ورجلي مرّته من قهرها
ما هو هوا ياناس مبلّي ومفتون = من حاشر(ن) بالنفس ثار وحشرها
ساعة وصلت البيت من غير يدرون= قمت العلوم الفايتات أفتكرها
ذكرت يوم(ن) كل مهله ينامون = اسري وأجيلَه وأرتوي من نهرها
يومنها لا جيت ضايق ومحزون = تضحك بوجهي لوّ كواها كدرها
وترسل عليّ نظرات حب(ن) من عيون= سود(ن) تطفّي ملَتهب من سعرها
وذكرت قول(ن) قالته بالتليفون = يوم العرب نيّام وأسمع دررها
وذكرت يوم الكف بالكف مقرون = تبكي وراسي حطّته في نحرها
تقول أنا خوفي من الناس يحكون = ناس(ن) على النمّات ربي ومرها
ناس(ن) على فعل الحقيقه يزيدون = زيف الكلام احلوقها ما عسرها
ولحظة رفعت الراس لناس يمشون= كنّي بحلم ودققّت بي نظرها
عرفتها ياناس لا لاتقولون = هاذي قمر دنياي وأيضا زهرها
هاذي هي اللي عقبها جيبوا اكفون = يا لعنبو حظ(ن) عجز ما قدرها
وأبطيت أناظرها وأهلها يشوفون = حتى وهي ما همّها من حضرها
فزّت وجت تسحب خطاها على الهون = ما همّها ياناس شخص(ن) نهرها
يوم اقبلت شفت الذي زلزل الكون = شفته تصيح وغارقه في عبرها
قالت ترا العشّاق دايم يعذرون = إعذر حبيبك يا مساوي بشرها
قلت معذوره يا بعد من يعزّون = خلك بفقدانك وغيرك هجرها
قلبي بعد فرقاك ما هوب مسكون = قلب(ن) مواثيق الهوى ما غدرها
لا والذي يخلق على الكاف والنون = إن الزمن عقبك حلومي قبرها
وقفّت وأنا قفّيت والكل مفتون = ودّه تخاويني وقلبي عذرها
وقفّيت أهزّ الراس ما نيب مجنون = لا شك شي (ن) صار حالي دمرها
وياكثر ماب الكون ناس(ن) يحبون = وتجر السفينه وين هبّت بحرها
تمت وصلوا عد ناس(ن) يحجون= على نبي (ن) سالم(ن) من قشرها

فهد الغنام الشمري

شعر فاخر
وابدعت يالشمري

[الطامي]

جرّيت رجلي غصب من دون في دون
أدناة شي(ن) حـاش رجلـي عثرهـا
وساق القدم وإنساق ساقي بلا عـون
تنساق رجلـي ويـن ربـي ومرهـا
وحدّتني القـدره ومرّيـت مشطـون
بيتـه ورجلـي مرّتـه مـن قهرهـا
ما هو هوا يانـاس مبلّـي ومفتـون
من حاشر(ن) بالنفس ثـار وحشرهـا
،،،،،،،،،،،،،،،،،،،
الغنام
صح السانك
رائعة جدا
لاهنت

[الطامي]

جرّيت رجلي غصب من دون في دون=أدناة شي(ن) حـاش رجلـي عثرهـا
وساق القدم وإنساق ساقي بلا عـون=تنساق رجلـي ويـن ربـي ومرهـا
،،،،،،،،،،،،،،،،،،،،،،،،
الغنام
صح السانك
رائعة جدا
لاهنت

[عمر ال شيبي]

ذكرت يـوم(ن) كـل مهلـه ينامـوناسري وأجيلَه وأرتـوي مـن نهرهـا

يومنها لا جيـت ضايـق ومحـزونتضحك بوجهـي لـوّ كواهـا كدرهـا

وترسل عليّ نظرات حب(ن) من عيونسود(ن) تطفّي ملَتهب مـن سعرهـا

الين انها طيبه وجزله وبها من العوايد ما صدقت به يوم التعليله ويا الخل والسيف بينك وبينه

عوايد البدوان قبل

صح لسانك لا هنت

[الطامي]

وذكـرت قـول(ن) قالتـه بالتليفـون
يوم العـرب نيّـام وأسمـع دررهـا
وذكرت يوم الكـف بالكـف مقـرون
تبكي وراسـي حطّتـه فـي نحرهـا
تقول أنا خوفي مـن النـاس يحكـون
ناس(ن) على النمّـات ربـي ومرهـا
،،،،،،،،،،،،
الغنام

صح السانك
رائعة جدا
لاهنت اخي

[الهويمل]

شكراً على المعلومه
تحياتي

[النابغه التميمي]

للإبداع الخلاق جماله
وهنا تذوقت الجمال
صح لسانك حتى ترضى
تحياتي

[معشي الشجر]

لله درك من شاعر مبدع
صح لسانك وقلبك
ولاهان راسك
دمت بود