الحر زاد وزادت الاسعار( مساجلة)

[داعي الشوق]

نورك يشعشع ضي ضوه تضيا = وانا من الضيان شفت البهاذيل
واليوم غار وصار نار عليا = ويش العمل يامنيع وين الرياجيل

[منيع]

لك البقا ناري ترى بغير كيا=ماتلسع الا مطففين المكاييل
اللي علينا زودو كل شيا=الله عساهم للعنا والغرابيل

[داعي الشوق]

لاصار بالدكان كلش مهيا = هذاك ينصح بالبدايل وتبديل
واثرالبدايل سببت كل غيا = نسمع مع الاعلام كثرالاقاويل

[منيع]

لاصرت فاهم ماضحك لك محيا=وياما على الغافل تطوف التناكيل
يابوسعد لامادعينا فريا=كل الحقايق واضحه مابها ميل

[داعي الشوق]

ليلي قضيته مع صقير العليا = وإتشتت نفسي والافكار تشتيت
عقب الذبايح والعلوم الجليا = يـبـيـني أشري البيض وآكل بساكيت

[منيع]

تاجر جشع وبودخل محدود=ياوين قلي من يحل القضية
اكيد مافيهامليع ومقرود=الا المواطن وين اهل الحمية

[بارقةأمل]

منيع
فلاح بن منشار
الطامي المري
سعودبن سعد الحافي
صح لسانكم وعلا شأنكم
وجبتوها على الجرح
لكن وش الحيلة مالنا إلا نتجمع ونسوي مظاهرة عند بيت الملك يلاقي حل لهذي المسألة
اللي صارت مثل النار تحرق الجميع وتلسع جيوبهم وقلوبهم

[منيع]

هذي ام زياد العمه النشمية=تبقى انتظاهر ضدسعر زايد
وانا مع الفكره وتراهانية=مظاهره بالشعر والجرايد
نكتب ونشجب وبالعجل برقية=تاصل مقام الزعيم القايد
مليكنا اللي محتمين بفية=ماضاع شعب شاف منك العوايد

رائع بما ابدعتم

اسجل اعجابي بالجميع

دمتم بود