يقولون تستاهل

[نفحات حساسة]

الله يالدنيا تـرى شالـذي صـار

علام هالعالـم لهـا الغـدر عـاده

معقول ضيعنا الوفا بعصر الاقمار

معقول ضيعنـا شـروط العبـاده

صح السانك..

ولاهنت,,

لها عودة تليق بها

تحيتى لك.

[عمر ال شيبي]

ارحب وسلم قلبك لا هنت والذوق لك رجعنا

[جلال ابراهيم الصبيح]

المشاركة الأصلية كتبت بواسطة عيدالماجد

يقولون تستاهل عسى همومك كبار = وعساك دايم ماتشوف السعاده
تبقى حزين وتشتعل داخلك نار = وتعيش عمرك ماتعرف الوساده
تقضي حياتك بين خاين وغدار = تتعب تضحي وماتحصل اشاده
تضيع في صحرا العمر دوم محتار = مثل الغريب اللي فقدها بلاده
وتظل تكتب حزنك ابيوت واشعار = حتى القلم يتعب وينشف مداده
ويغادرك كل الحبايب والانصار= وتلاقي نفسك قد فقدت القياده
من عقب ماكنت البطل حامي الدار = اصبح وجودك بينهم هو زياده
الله يالدنيا ترى شالذي صار = علام هالعالم لها الغدر عاده
معقول ضيعنا الوفا بعصر الاقمار = معقول ضيعنا شروط العباده
نغدر بعضنا نستغل نكبة الجار = من بعد ماكنا نبين وداده
صارت مشاعرنا ترى كومة احجار = فيها اخذنا بفخر دور الرياده
اما انا بصبر على ظلم الاقدار= لو مانجحت يبقى الامل بالاعاده
وبالطبع اصير اقوى مع كل تكرار = وبتنذهل دنياي بهذي الجلاده
وبقوتي وبوقفتي كلي اصرار = والقلب مايترك هواه وعناده
من خانني يبقى على البال تذكار= من طعنته اخذ دروس وشهاده
وصحرا حياتي تنقلب ورد وازهار = والغيم يقبل بعد هجره وبعاده
ماني بيائس لاحشا وهذا اقرار = مني وكل انسان وله اجتهاده

صح لسانك واعتلى شانك جميلة جدا....لأاهنت....دمت بخير.


بائع الورد

[زهرة اللوتس]

سلمت وصح لسانك
ولاهنت
تحية طيبة

[عبدالله مذكر العقيلي]

صح لسانك

والله لايهينك


تحيتي

[بنت العز]

صح لسانك وعلا شانك
يعطيك العافيه

[عبدالعزيز البليهد]

عوده للجزاله

صح لسانك ولاهنت

[ترانيم المطر]

صح لسانك
ولاهنت
تحية طيبة

[داعي الشوق]

صح لسانك يالشاعر

جميلة جدا

ولاهنت

*********

[شجون القصيد]

وبقوتي وبوقفتـي كلـي اصـرار
والقلـب مايتـرك هـواه وعنـاده
من خانني يبقى على البال تذكـار
من طعنته اخـذ دروس وشهـاده
...........

صح لسانك

تميز يستحق العوده

تحياتي