انهكتني جروح الليالي ولاني بتوب

[الخنساء]

المشاركة الأصلية كتبت بواسطة منيع

من الجديد

انهكتني جروح الليالي ولاني بتوب=وين ماصار همي رحت ادور عليه
يازمان البلاوي عارف انك تعوب=هات من يقنع المبلي على مبتليه
وهني الخلي الداله اللي لعوب=ماش شي يغثه ماعرف اه و ليه
والمصايب حقيقه ماتدور طروب=ماتبي غير حر بالشقا تبتليه
عادة الغم مايقرب سفيه كذوب=شاته بقدم رجلة مثل ضربة بليه
عاذلي خيط اشفاتك على كل صوب=اصمخ القلب عيا ماسمع عاذليه
اتركوني على حالي حزين ٍ اذوب=ويامساوي زماني الحشا زلزليه

وكل عام وانتم بخير

صح لسانك واعتلا شانك

قصيدة جزلة من شاعر جزل

سلمت ودام حرفك

[عمر ال شيبي]

المشاركة الأصلية كتبت بواسطة منيع

ياهلا وغلا بالشاعر عمر ال شيبي
كم انامسرور بتواجدك وردك الراقي الجميل
لاخلا ولاعدم
تحياتي وتقديري

حياك الغلا كله

ابي ردك على الابيات قصيد
طال عمرك ما نقبل الا قصيد
وصح قلبك

[منيع]

المشاركة الأصلية كتبت بواسطة الخنساء

صح لسانك واعتلا شانك

قصيدة جزلة من شاعر جزل

سلمت ودام حرفك

حياك الله اختي الكريمة
تشرفت بحضورك
رعاك الله
تحياتي

[منيع]

المشاركة الأصلية كتبت بواسطة عمر ال شيبي

حياك الغلا كله

ابي ردك على الابيات قصيد
طال عمرك ما نقبل الا قصيد
وصح قلبك

تفضل طال عمرك ودام سعدك وعذرا على القصور

ياعمر ذللوني وبلشتني الكروب=كم مرقاب هم ياعمر معتليه
صاحبك لوتشوفه من كثير الخطوب=ناحل يشرب العلقم معى حنظليه
الشقا والمصايب في ضلوعه تجوب=نوخت به ولاهو تارك نازليه
ضيعتني الليالي ولاعرفت الدروب=يصرخ الوقت فيني للقهر علعليه
في مسيرة حياتي للبلاوي قروب=سدد الويل ضربة مثل لكمة كليه
السعادة نستني لاشمال وجنوب=كل مايممت وجهه حزنها ممتليه
ياعمر جاك هرجي وانت رجل تنوب=البيوت النوادر قافها مذلليه

تحياتي لكم

[سلطان العطاوي]

الله الله
يا سلآآم
صح لسانك وأعتلا شانك
ابيات رائعه بروعة وجمآل حضورك
لاخلا ولاعدم ..!!
تحيتي

[عيدالماجد]

صح لسانك تحيااااااااااااااااااااااااااا تي

[عمر ال شيبي]

المشاركة الأصلية كتبت بواسطة منيع

تفضل طال عمرك ودام سعدك وعذرا على القصور

ياعمر ذللوني وبلشتني الكروب=كم مرقاب هم ياعمر معتليه
صاحبك لوتشوفه من كثير الخطوب=ناحل يشرب العلقم معى حنظليه
الشقا والمصايب في ضلوعه تجوب=نوخت به ولاهو تارك نازليه
ضيعتني الليالي ولاعرفت الدروب=يصرخ الوقت فيني للقهر علعليه
في مسيرة حياتي للبلاوي قروب=سدد الويل ضربة مثل لكمة كليه
السعادة نستني لاشمال وجنوب=كل مايممت وجهه حزنها ممتليه
ياعمر جاك هرجي وانت رجل تنوب=البيوت النوادر قافها مذلليه

تحياتي لكم

حياك لا هنت وابشر بعزك لا ندمت
ارمي علينا ولا يهمك فداك المجبور

واستلم

يا منيع السِوالم ما تِعدّي تِعوب=فالك اللي يِِهون من رِفاد َال لِلِيّه
وشْرب المر ورْحِب من شِدايد رعوب=تالي الوقت تسعد والهواين سليّه
لا بَديت الدعاوي في ظلال الرحوب=ربّ ِ للكون جاره في ليال ٍ حليّه
ما يشوفك إناسن ٍ والسعاوي تنوب=أعْنِ بيها عَنانك والرِجا به خِليّه
تلقَ نفسك رحيبه والمساوي تتوب=فطمئن السلامه في دروبك مليّه
وقرا ذات الكبيره في أَخرها عذوب=مع فِعال استخاره بين دين الوليّه
واحمد الله كثيره بالغفاره قلوب=غافر الذنب فطلب لا تشاكي بليّه

[سناعيس]

صح لسانك اخوي منيع
وبيض الله وجهك
ولاهنت

تحياتي

[سعود العضياني]

صح السانك وبيض الله وجهك

نص جزل من رأس جزل


لله درك

دمت بود

[عمر ال شيبي]

عوده للجمال ولحرفك الراقي

سلمت لردك الجميل