كشكول ابومياس

[ابومياس]

من شوارد الشعر

الصد

لاتصد وتترك المجنون فيك = لاتشمت في حبيبك عاذلـه
يامعني خافقٍ مغرم يبيـك = طالبك بالقلب كوني عادله

الود

ماتدري ان القلب مليان لـك ود = يازهرةٍ (ن) نبتت على جال وادي
اخذتني بالحب والبعـد والصـد = وانا بحبك دايـم الجـو هـادي

جرح المشاعر

كل شي لك مفتوح بابه و مسموح = الا المشاعـر لاتمـادى بجرحـه
اخاف ياتي يوم تقفي وانـا اروح = نجمع الطعنات ونبلـش بطرحـه

الاتجاهات

انتي شروق الشمس وانتي غروبه = وانتي القمر في مظلمات الليالـي
وانتي شمالي لاتجهـت لجنوبـه = واني جنوبي لاتجهـت لشمالـي

العيون

خل العيون الخرس تحكي كلامك = انا ترى متعة عيونـي عيونـك
افرح بمرسولٍ يوصل سلامـك = ما اقدر اعيش العمر وانا بدونك

رحلة قهر

مع القهر سافـرت رحلـة طويلـة = رحلة بها ياصاحبي طلعة الـروح
اسرح واهوجس بالهموم الثقيلـة = واجاوب الورقاء لو الصوت مبحوح

[صعبة المنال]

الله الله
من كل بستان زهرة
الله الله
يا ابو مياس

متابعين

[شموخ سدير]

الله الله

ابيااااااااااااااااااات خطييييييييييييره

وذووووووووووووووووووق من جد

[ابومياس]

المشاركة الأصلية كتبت بواسطة صعبة المنال

الله الله
من كل بستان زهرة
الله الله
يا ابو مياس

متابعين

عندما يكون قلم مميز من المتابعين

فهذا بحد ذاته شهادة تدعوا للفخر

الاخت العزيزة صعبة المنال

شاكر لك ومقدر تواجدك ومتابعتك

دمتي بخير وعافية

[ابومياس]

المشاركة الأصلية كتبت بواسطة شموخ سدير

الله الله

ابيااااااااااااااااااات خطييييييييييييره

وذووووووووووووووووووق من جد

شموخ سدير

حياك الله وما الذوق

الا وقوفك هنا

شاكر لك اطلالتك

دمتي بخير

[ابومياس]

اخو طفلة وفتاة الدرعية

سالفتنا الله يسلمكم حدثت لأحد شيوخ القبائل في نجد لم استطيع معرفة اسم الشخص لان المصدر لم يذكر الا لقب

له وكان يلقب بـ (اخو طفله ) المهم كان اخو طفله ذاهب مع بعض ربعه الى الدرعية قادمين من البادية والمقصد من

هالسفرة جلب بعض الطعام والخام للعشيرة 0 وصلوا للدرعية والكلام هذا قبل يطلع الرياض ونوخوا الركايب في مناخ

الابل قريب من السوق ومشوا على رجولهم للسوق وسط شوارع الدرعية الضيقة وهم ماشين

انفتح امامهم باب وطلعت منه ذيك البنت لالجميلة وعلى طول رفيقنا يوم شافها زادت دقات

قلبه قال (( انا اخو طفلة )) سمعت البنت الرجال يو م ينتخي واثر البنت شاعرة 0 وقفت قدام اخو طفلة

من وين جيتونا من البعد عانين=وش جابكم للحظر يا خو طفلّه
جينا على هجنٍ سواة الشياهين = والجوع زاويهن زواة الأهلّه
هو عندكم مثل الذي شفت بالعين = لو كان مع غيرك ولا تستحلّه
عندي مثل ماشفت زولٍ مكفين=اسوق لاجله دق مالي وجلّه
لو كنت تجلس عندنا بس يومين = تشوف مالا شفت بالعمر كلّه
البدو لاجو ديرة الحضر عجلين = رجالهم كن السعاير تملّه

وبعدها قال لها فمان الله يابنت الرجال وذهب رفيقنا الى حيث حاجته 0

وسلامتكم

[شموخ سدير]

الله الله

روووووووووعه القصه

ماشاءالله عليك

من جد كشكول يشد الواحد لمتابعته

روعةالمشاعر تكتمل هنا في صفحتك حب هادي
بالتوفيق اختك صمت القلوب

حب هادي تو بادي
من وراء اوراق الشجر
تحت حبات المطر
شف حبيبك من كثر شوقه ينادي

[ابومياس]

المشاركة الأصلية كتبت بواسطة شموخ سدير

الله الله

روووووووووعه القصه

ماشاءالله عليك

من جد كشكول يشد الواحد لمتابعته

هلا والله بشموخ سدير

انا اكتب لكم

وكل حرف في هذه الصفحة

اهديه لمن انار المكان

دمتي بخير

[ابومياس]

المشاركة الأصلية كتبت بواسطة صمت القلوب

روعةالمشاعر تكتمل هنا في صفحتك حب هادي
بالتوفيق اختك صمت القلوب

حب هادي تو بادي
من وراء اوراق الشجر
تحت حبات المطر
شف حبيبك من كثر شوقه ينادي

اهلين اختي صمت القلوب

وفقنا الله واياك لما يحبه ويرضاه

وقوفك هنا تشريف

فلك الشكر والتقدير

دمتي بخير