حرب المحاوره بين شعراء الفطاحلة

ولا يابو زياد اشوفها كن الحيل قلت=كثير اللي عن الحيلات باللفات طافوها
انا ماني بتارك صاحبي والمشكله ولت=صليب الراس مايترك وكل الناس فرحاته

[الطائر المهاجر]

ترى القيطون ان سبح فلحظات المكر حلت = فلا يخدعك من قوله مثلماهم يقولوها
نوى تفكيك حلف قام يهاب الشمس لاطلت= ومن يجهل به يقول الناس بالتسبيح فرحانه

[ابو زياد]

ترى حربك مع غيري فلاح الصلب المصلت=ولكن شفت اناعلومه واشوف الناس عافوها
واضنك عارفن مدرك مواري لك ولي طلت= توقع وانتظر يومن تشوف الناس فرحانه

[سناعيس]

مساكم الله بالخير
والله يعطيكم العافيه

وراكم ياعسى ماشر أشوف سيوفكم سلت=انا ماظنها تجدي مع اللي مايخافوها
تكاتفتوا على منهو يصد الحرب الى حلت=ويجيب العيد لامنه زعل والناس فرحانه

انا ادور فلاح ادوره والنفس ماكللت=ولدري كيف ورطتهم كبيره لو تلافوها
بلاد الرافدين بجيشها مليون واحتللت=ورغم اللي حصل لكن اشوف الناس فرحانه

[نجم الإبداع]

هلا يانايف اجيوش الحداثه بالردى انسلت = وانا ثابت في الميدان واصحابي تناسوها
حلفت اني لاوقف دونهم لو زاد فيها اللت = مجهز جيش من موروثنا ماهتزت اركانه

[نجم الإبداع]

انا ماطيع في عثمان واشي رايه اتجلت= له التقدير وعلومه جميله لو تقفوها
وهو قلبه خضر معذور لو غنى ولو فلت= سقوه الحب في كاسات موزونه ومليانه

جديدين الصحاب من التجارب تو ما ملت=يعقدون التحالف يوم هول الحرب شافوها
يشدون العزم بالبعض يوم السنهم انشلت =ونبقى ناخذ ونعطي وكل الناس فرحانه

[الذيب]

نايف الثبيتي طالع برا المنتدى و المشرف العام لاهي مع غيرك (ما جاب خبرك )

[الطائر المهاجر]

نطق قيطون يرقبنا وقال حروف مادلت = يبي نار تشب وما درى ربعي يطفوها
عليكم ياهل الواسط غيوم وشمسكم علت= ولكن غيمنا يحجب وكل يختلص شانه