محاوره فكاهيه وتحدي القافيه

[داعي الشوق]

ودي بشوف اهل الهوى والشفايز **وأقضي معاهم وقت وأشفي جراحي

مير البلاء وقتي كثير اللزايز ** ويـش الـعـمـل والكـيــل زاد الــطــفــاحي

[الطائر المهاجر]

لنفسك عليك الحق وقت الدزايز = وان كان تهملها شربت القراحي
لكن بميزان الذهب والبرايز = كلش بمقياسه بعقلٍ سياحي

[داعي الشوق]

أنشهد إنك قلت والقول جايز ** بأسمع كلامك زين وآحجز سياحي

وآخذ معي تموين كيس الرزايز ** وأطير وأكفخ مثل طير بجناحي

[الطائر المهاجر]

ابعد عن العربان واهل النغايز = وخلك مع اللي صادقين البواحي
الشرق غيره لا تدور عوايز = على الشواطي مسرحك والسواحي

[داعي الشوق]

ودي بــخــوة يارفيقــي عــزايـز ** نــاس بـهــم طيب وقـلـب سمـاحــي

ناس على الطولات فعل و رزايز ** ما تزيدني تـعـقـيـد وقت الــبـراحــي

[داعي الشوق]

المشاركة الأصلية كتبت بواسطة أم زياد

والاكل من مطعم جويـر وفايـز
ماتطبخ الا البيض وقت الصباحي



هههههههههههههههههههه لا وتمنن بعد عليك بذا الطبخة بعد ما يكفي إنها قايمة تطبخها لك الصبح خخخخخخخخخخخخخخ

حلوه بالمره يا أم زياد

دخلت عليكم يا عيال العزايز ** دخلت عليكم بمسدسين وسلاحي

[الطائر المهاجر]

العيد جاب العيد ناوي بهايز = معه سلاح ولا يدور صلاحي

[مروان الشيخ]

دمه كذا يالطير رز الرزايز=فالحرب لاعاقل ولاني بصاحي

[الطامي]

انا الذي انا باهالكون فايز = من ربنا اكل وشراب قراحي
وارقد واقوم ولاقصور وعوايز = الا العوافي والبكار الشقاحي

هههههههههههههههههه جبتها كذا وصابت