فتل ووووووووووو نقض

[نفحات حساسة]

صح السانكم..

ولاهنتو...

متابعه وبقوه.

[عذب القوافي]

	فلاح بحّار ٍ تعوّد على العوم=عاشق هواوي والبلاء من سنيني ترجم أحاسيس الغلا عشق مرسوم=قافه يجي مرفوع وأيضا سميني وشجون جابت مع ترانيم يشموم=بيوت شعر ٍ مستواها حسيني بيوت ٍ شعر ٍ ماقبلت يوم للسوم=شعور مثل سهيل واضح يبيني هذا الوله والناس معطى ومحروم=واللي بليا عشق ماهو حزيني دنيا ً تخلي راعي العشق مهموم=كنّه مربّط يابشر باليديني حاله كئيبه ماعرف لحظة النوم=يمشي وضاع الدرب حاله غبيني صحت ألسنتكم واصلوا رعاكم الله ومستمتعين معكم تقديري للجميع ,,,,,

[نجم الإبداع]

يامرحبا ياعذب صاحبك مسقوم = من جور كيد البيض لاتزدريني
ممرضات ولا بهن علم مرقوم = ماعندهن وصفه لراعي الكميني
وصفاتهن لي قاصره وانت مفهوم=اوقيتك خيرا من اوقيتيني
زندك عليهن دايم الدوم مبروم =وانا فتلت ونفضهن مايبيني
قالن تناسى صاحبك مثل شالوم=وانا من اهل السنه المخبتيني
ماسلى عنه ياعذب لو صرت مخطوم=لانه ملاك الحسن حلو الرديني
غالي على قلبي وله داخلي توم = روحي وروحه تؤام ومبعديني
لن كان ياعذب انت دكتور ورحوم = عجل علينا بالعلاج اللجيني

[عذب القوافي]

	ياصاحبي أرجوك لاتصير مشؤوم=مالك ومال مهيّضات الحنيني أبعد عن عيون العذارى بلا لوم=وحاول تناسى لو حبيبك زويني وراع الهوى لو نام في نومه حلوم=كم مرة ٍ قد فز مثل السجيني اللي بحبسه ماتهنى مع النوم=يدعي له الأقراب والوالديني قاتل ويشرب كاس الأيام مسموم=ويدق قلبه بالثواني أنيني ممرضاتك يارجل خلفت قروم=ناس ٍ على طيب المواقف تبيني وعن رايهن أرجوك لاتبعد الحوم=والله وحده ربنا اللي يعيني يانجم قولي واضح ٍ لك ومفهوم=عكس الفلاح بجد رجل ٍ حزيني تقديري للجميع ,,,,,,

[زهرة اللوتس]

صح السانكم..

ولاهنتو...

متابعه

[نجم الإبداع]

لولا غرام الزرق ياعذب والحوم=ماكان زوجل للغرام الثويني
ولا كتبت الشعر ياعذب منظوم=لفاتنات ولا بكى قيس حيني
قلبي محيط وبالهوى دوم مغروم=من فاتنات الغرب بينك وبيني
عذراء بصدفه شفتها صرت مهيوم=من حبها في ديرة المبعديني
تسوى بنات الكون في حسن وسلوم=مامثلها بالطيب والنظرتيني
تحبني والعشق في قلبها زوم =عافت رياجيل الزمن واتهويني
من قبل عشر سنين والقلب مثروم=لاني قدرت اوصل لها او تجيني
تبكي ليا كلمتها من هوى الزوم = من خير عرق انسابها ترتويني

[نجم الإبداع]

تفحات و زهره

صحت ابدانكم وشكرا لمروركما

لاعدمناكم

[شجون القصيد]

صح لسااانك نجم الابداااع

صح لسااانك عذب القوافي

شعراء كبار

ونصوص رااائعه

متابعه وبقووووووووه

تحياااتي

[حي الضمير]

الله يبيض وجيهكم
امتعتونا يامميزين
وصح السنتكم

[عمر ال شيبي]

ارحب بالجميع الله حيهم

الله حيهم

صحت السنتكم ومتابع بقوه
وربي جمال ما بعده جمال