تحزم وعد جيوش وانت الشويماني

[سناعيس]

الله الله
وافين وجزلين
فلاح بن منشار وعبدالله الشويمان
شعراء كبار ونفتخر فيكم
الكل منكم صح لسانه
ولاهنتوا

تحياتي

[عبدالله الشويمان]

الله الله صح السانك يا اخ فلاح

كما اشكر كل من مر من هنا

مع احلا الاماني بالتوفيق للجميع

[عبدالله الشويمان]

عسى الله يعمر لك حياتك يابن منشار=ويعمر مبانيكم وتقوى بالاركاني
انا بالتأني ماشيٍ دربي وسيار=وابي راسك بوسط القلص وانت فهماني
اخذت بحياتي دروس ولا قرب الاخطار=واذا كنت ناسي يا عسى ربي ينساني
ومن جاء بقلبه شك اكيدٍ يجيه اعصار=ويعصف بتفكيره ويجعله هيماني
وانا شفت دولابك زلق تالي المشوار=علامك ترى السرعه تسبب للاحزاني

[نجم الإبداع]

هلا يالبعير الي بغى ياكل الشنكار = وعود هديره يسمعونه بجيزاني
انا قلت وشبه ضاق من ناصفة قنطار=وسمحان مايرغي من الحمل فزعاني
بعّد جيت حياك الذي زين الاقمار =ومثلك نقدر جيتّه لو تحاداني
يقول العرب من جا بوضح النقاء ماحار=وانا اقول عبدالله الشويمان وقداني
كما الذيب يغزي لو غفل عنّه السمار=ولاياكل الا لحمة الضان وسماني
انا قلت هذي ملحمه مالها مسبار=واثار ان مسبارك لقط صورة الفاني

[نجم الإبداع]

المشاركة الأصلية كتبت بواسطة سناعيس

الله الله
وافين وجزلين
فلاح بن منشار وعبدالله الشويمان
شعراء كبار ونفتخر فيكم
الكل منكم صح لسانه
ولاهنتوا

تحياتي

ارحب ارحب يابو محمد

صح بدنك وكل عام وانت بخير

لاعدمناك

[عبدالله الشويمان]

ارحب يا ابو محمد..سعدت بمجاراتك..والله يطول عمرك..ويتقبل صيامنا وصيامك وجميع المسلمين.وكل عام وانت بخير وصحه وسلامه..

هلا ومرحبا والصوت عالي يلج اقطار=يزف الهاني بيوم عيدك يا زهراني
عسى عيدك مبارك وكله عبير ازهار=وتحيا سعيدٍ دوم يا عذب الالحاني
وتمت وصلى الله على محمد المختار=نبي الله اللي تمم إلخمس الاركاني

[فارس القوافي]

لااااااااااااهنتم

صحت الالسن

وعيدكم مبارك

[نجم الإبداع]

اللهم صل على محمد

وصح لسانك يابو بدر وكل عام وانت بخير

وعيد مبارك على الجميع

شكرا لك ولجميع من مر وسيمر من هنا

لاعدمتكم

[نفحات حساسة]

صح السنتكم جميع..
ولاهنتو..

[زهرة اللوتس]

صح السنتكم
لاهنتووو ويعطيكم العافية
تحياتي


زهرة