الحر زاد وزادت الاسعار( مساجلة)

[نجم الإبداع]

الناس صارت بالغلا منكوبه= ماحد وقف للمعتدي ياخساره
قالوا الصبيه صايره دبدوبه = والرز لو يغلى يخف انصاره

[منيع]

المشاركة الأصلية كتبت بواسطة سعود بن سعد الحافي

هيهات ثم هيهات يامنيع هيهات = إن كان ما تطريه يعصف بالاسعار
لو كان ترفع عالى الصوت حزات = محد من العربان يوحيك بالدار

رجيت ربي والعرب ماترجيت=كل على فاله ياسعود دوار
اما انا ياخوك بالحال سويت=توضيح للي يالغلا صارمنشار

[داعي الشوق]

رسايلك جتني على كم عنوان = ترجمتها وابدت معاني كثيره
أكيد بالمخزن مكـنـز ومليان = محتاط من سود الليال العسيره

[منيع]

همي مساكين وعاطل وبلشان=مافي يده من قوت يومه شطيره
والمشكلة لاصار بالبيت ورعان=ياهي امور يارفيقي خطيره

[الأموره]

صح لسانكم ،،


نرقب الزود من يمناكم ،،

[داعي الشوق]

هذا الغلا مثل الوباء عند الانسان = ما عاد ينفع بالوباء طب وعلاج
وانا من اسباب الغلا صرت تعبان = حالي إنبرا وارجي من الله الافراج

[منيع]

جمل خويك يشكي الجوع عطشان=والماء على ظهره ولاهوبريان
خذ المثل مني ولاني بشرهان=بعض الحقايق تودع الفكر عمسان

[داعي الشوق]

نروي ونسقي كل عاطش وضميان = هداج تيماء بالمواريد وراد
نسقي شجر تفاح وغصون رمان = محصولها يجنيه حاسد وقصاد

[منيع]

المشاركة الأصلية كتبت بواسطة الامورة

صح لسانكم ،،


نرقب الزود من يمناكم ،،

حياك الله اختي الكريمه الاموره
شكرا لمرورك وتشجيعك
تحياتي

[منيع]

المشاركة الأصلية كتبت بواسطة سعود بن سعد الحافي

نروي ونسقي كل عاطش وضميان = هداج تيماء بالمواريد وراد
نسقي شجر تفاح وغصون رمان = محصولها يجنيه حاسد وقصاد

دقات قلب سعود بالحب مليا=ياليت مثلة بالتجاره ملايين
ميرالبلا بعض الغلاصارغليا=ولاتنفع البسمة بوجهه المساكين