فيه اجتماع طارئ للشعار والشاعرات

ياعود لا تخلط شتاها مع الصيف ****** ما انته على مثلي لك الله تحتال

والحرب لا دندن وجتله غطاريف ****** اشعل فتايلها على روس(ن) إشعال

[عبدالله الشويمان]

يا المطرفي حياك ربي شتا وصيف=تلفي على ربعك بخير على جمال
عطنا حكم ومثال وشد المجاديف=نبحر بمان بداخل البحر نختال

[نجم الإبداع]

المطرفي جانا وشل المضاريف= ردوا عليه اليوم ياصحاب موال
يبي السمان وما يدور غضاريف= غايب ولا قد دز للعود مرسال

[عبدالله الشويمان]

فلاح ما نبغاك عن دربك تحيف=قل خير ولا خل كلٍ على فال
ما ضنتي جت كلمتك بالصواديف=ون كان ودك طلطل هناك يا لال

اشرب صفا القهوه واطش الحثاريف ****** وغيري يبي يشرب على كيفه إحثال

إليا بديت أبدي علــــــــو المشاريف ****** واعرف اصرفها ليــا جـــات الاهوال

[نجم الإبداع]

ياصاح ماعندي عليكم تلافيف= نسأل وانا والله لك صافي البال
خابرك في الرميات ياصاح حريف= الله يكفينا من اصحاب الاعمال

[عبدالله الشويمان]

الله يعلم ما بعرفك تحاسيف=شواهد القلبين يا طيب القال
فلاح وش رايك نكلفك تكليف=تجيبلنا هرفي ترى الجوع قتال

[نجم الإبداع]

ابشر بسعدك لو بها حق ماصيف= وانا معك مبسوط ياطيب الفال
العلم قدامك ولا فيه تزييف= والمطرفي يبشر وجيتك بمعدال

[عبدالله الشويمان]

كفو وكرمك الحاتمي ما بعد شيف=على الملأ اعلن متى وقت الاجزال
نبي جميع اهل المدينه مع الريف=معنا معازيم لمجلسك دهال

هههههههههه
هههههههههههههههههههههههههههه

للحق انا اركي وادوس العواصيف ****** اوفي حقوق الناس كيل(ن) بمكيال


اخذ وعطـــاء فثقال ماهي خفاخيف ****** وليا تشابك عقــدها جيت حــــــلال