إلا الحماقة أعيت من يداويها !!

[صوت الإحساس]

صح لسانك

حضور قوي يستحق العوده


صح لسااانك

[ساير الرماحي]

السلام عليكم

أرجو التعديل:

يومه يشخّص حياتك مع بلاويها

الكاف كتبت زائدة (يشخصك)؟ سهواً أرجو التعديل لأني فقدت وقت التعديل


تحياتي للأخوان

[مروان الشيخ]

مايشبهك كود قول الشاعـر الماضـي..
يومه يشخّصك حياتـك مـع بلاويهـا..
(لـكـل داءٍ دواءٌ يستـطـبّ بِــهِ )
(إلا الحماقة أعيـت مـن يداويهـا ) !!


صح لسانك ملايين ساير

وتوضيف رائع لبيت فصيح في قصيدة نبطية

[محمد عبدالله البدراني]

المشاركة الأصلية كتبت بواسطة ساير الرماحي

بسم الله الرحمن الرحيم

للتواصل بعد غياب..

صلوا على محمد..

عجزت أفكّر بحالك مع خوافيها=والنصح ماهو لنفس الخبل محييها!
كنت أحسب أن كل ضربة تجيك تعليمة!!=طلعت (دايح) تكحّلها وتعميها!!
ليت الزمن فاتك.. وعشت بزمن سابق!=مابي أشوفك سنيني لاتجي فيها!!
ماتحشم الناس.. وأسيادك وأهل أمرك!=تمشي ( تفسفس) علومك في نواحيها!!
اتعض يدّ رفعت حظّك ومقدارك!=(أخس وهبيت) الذي هذي تواليها!!
هو ليه ماصرت عنّا (قاطع وخاسي)!!=ولاّ شتمت الذي ورّاك صاليها!!
ياكم رفعناك.. مع بيّك وأخوانك..=ياكم ملينا مخابيكم.. (خراجيها)!!
ياكم حكينا دفاعاً عنكم حميّا!!=ياكم نرزّك وصورتكم نحلّيها!
ياكم نسن السواطي دون منزالك=ياكم نصلّح مشاكلكم.. ونبريها!
ياكم نفك العسر لامن تغشّاكم=ياكم سترنا بلاويك وخوافيها!!
ياكم رقينا بكم من فوق الامتاني..=أكتافنا (مركبك) رمت النجم فيها!!
ماجاك جانا ونخشركم بخبزتنا!!=حنّا ملافيك لا صكّت لياليها!!
تذكر وتذكر؟ نسيت اللي مضى كله؟=أفعالنا فيك والله صعب نحصيها!
مايشبهك كود قول الشاعر الماضي..=يومه يشخّص حياتك مع بلاويها..
(لكل داءٍ دواءٌ يستطبّ بِهِ )=(إلا الحماقة أعيت من يداويها ) !!

وسلامتكم..


أخوكم/ساير الرماحي..

العزيز الغالي ساير الرماحي سلمه الله


الله الله الله


لله درررررررررررررررررك ياساير
لله درررررررررررك


ومليووووووووووون مليووووووووون صح السانك

ولاهنت وبيض الله وجهك


تحياتي
مع اسمى ايات الشكر فائق التقدير واطيب المنى رعاك الاله

[يوسف بن صالح]

ساير الرماحي


صح لسانك ولاهنت


قصيدة جميلة .. والحق يقال استمعت بقراءتها


لاعدمنا هذا الحضور الكريم

[ياسر عبدالرحمن الخالدي]

اللهم صلي وسلم على حبيبنا ورسولنا محمد


ساير صح لسانك وعلا شانك

[حي الضمير]

ياسلام ياساير قصيده مليئه بالجزاله والابداع
ومعها مليون صح لسانك

[الطائر المهاجر]

ترفع لمزيد من الردود التي تستحقها
صح لسانك واعتلى شأنك
ولاهان راسك
تحياتي واحترامي

[سناعيس]

صح لسانك ياساير
قصيدة رائعه
تستحق الرجوع والتعليق مرة أخرى
لاهنت

تحياتي

[ساير الرماحي]

الغالية



الأمورة



صح بدنك


وبيض الله وجهك


ودمتي بألف خير


تحياتي