خاطرة تفصيل حسب الطلب

خاطرتي لنجود وعلى لسانها وحسب طلبها
============================== ==
لا أدري اهي طفولتي التي تبكيني أم أنا التي أبكيها ,,,

هل هي أحلامي الضائعة من ظلت طريقها أم أنا التي ضيعتها ,,

هل أبكي حقي في الدلال أم أخرس واترك دموعي حبيسة عيناي,,
============================== =============
مازلت طفلة,,,

تلك الطفلة البريئة مازلت أسمع ضجيجها بداخلي ,,

قد اتخذت لها ملعباً بين أضلعي,,,

لا أدري أأبعد قلبي عنها لأفسح لها المجال لتلعب ببرائة في داخلي,,

أم أترك قلبي في مكانه فأضايقها به ,,,

فإن أبعدت قلبي عنها قسوت على أهلي ,,

وإن تركته في محله ضايقتها فقسوت على نفسي ,,

إلهي ساعدني,,,

لكم أحمل هموماً لا أطيق حملها ,,

ولكم أحس بالحرمان ,,
=====================
أماه لا تغضبي مني ,,,

أماه سامحيني ,,,

عن ماذا أسامحك يا ابنتي ؟؟

سامحيني يا أمي ولا تنهريني,,,

عن ماذا يا ابنتي؟؟؟

أمـــــــــــــــاه ...

أريد أن ألعب ,,,

نعم أريد أن أنطلق ,,,

أريد أن أحمل لعبتي بكل حرية ,,,

أريد أن أضحك ببرائة وبلا خوف,,,

أريد أن أبكي أن أصرخ ...

بلا خوف من الأنتقاد ,,,

وبلا خجل من أن يسمعني الجيران ,,,

أماه .... إن اللعب تناديني ,, تهتف لي ,,,

تقول العبي معي يانجود ,,

احمليني يانجود ,,,

دلليني يانجود .,,,,

أبنتي هذه ليست اللعب ....

لا ياأمي أنها اللعب ,,,

لا يا ابنتي ... إنه

قلبك المكلوم ,,

وطفولتك الحبيسة ,,,

ولكن ...................

أعذريني يا ابنتي .................لقد

أصبحت

عروساً.

============================== =========

أتمنى أنها تحوز على رضاك يا نجود ترى الدعوى كلها كيبورديه

============================== =====

ذيب السنافي

[الغريب]

ذيب انتظر عودتي

كلام رائع ولو اني كنت خايف توضح نقطة معينه بس تعجبني

خخخخخخخخخ

تحياتي لشخصك الكريم

ماشاء الله حلوه مره
وتستاهليني يامشرفتنا نجود خخخخخخخ

تقول العبي معي يانجود ,,احمليني يانجود ,,,دلليني يانجود .,,,,

خخخخخخ تبي الصراحه بس هذي اللي احس انها مشينه الخاطره يعني احس انها زي ماتقول سوالف يعني لواخذت عباره وحده من العبارت تكفي مثلا احمليني يانجود فقط
وترى امكن ذوقي يختلف عن غيري وانشاء الله تعجب نجودوهذا المهم لانها لها

7
7
7
7

اجل خلاص حتى انا ابي خاطره خخخخخخخ
ابيك تفصل خخخخخخخ بس إذا مافيه موديل كويس مافيه فلوس كلاس ذيق وسع مجانا خخخخخخخ
لا صدق ودي اقول احاسيس وحده عزيزه علي وتقول الخاطره انت مثل خواطرك اللي قريتها اللهم لاحسد اخاف اطقك بعين خخخ
وحده تحب لها واحد وهو بعد يحبها خطب الوحده ذي اخو الواحد هذا خخخخخ شكلي هنديه مااعرف اوضح خخخخ
8
8
8
اثنين يحبون بعض من 6 سنوات (يعني من ايام الطفوله)انخطبت البنت لخو الولد وهي مو عارفه وش تسوي اهلها موافقين عليه مبدايا واصلا حتى لو رافضين اهل اللي تحبه ماراح يوافقون على ان اللي تحبه ياخذ وحده خطبها اخوه قبله والاخو هذا بعد يحبها وهي كرهته لانها بتنحرم من اللي حبته بسببه بس الاهل ودهم به لان وظيفته اعلى ومكانته في العائله بعد
يوم درى اللي يحبها من خطبت اخوه لحبيبته تحطم وصار مهمل وكاره للحياه وبس

اسمعي ياعزيزتي أنا أعرف واحد يحب وحده 11 سنه وهي قالت لأخته أنها تحبه وتموت فيها وكل يوم يتعلق لين صارت كل شيء ثم بعد هذا خطبها قالت أحبه مثل أخوي تدرين وش صار فيه شيء مايحصل ببال بس يله نعيش ونشوف لكن صدقيني أنا أقول ترفض أخوه لأنها بكرة راح تقول أشياء مالها داعي ربما أي شيء بكرة يسويه هذا لمرته بتغار عليه وهي مالها دخل وربما حصل شيء لا قدر الله وربما صارت أمور مايعلمها إلا الله أنا أقول ترفض بتاتاً ولا تقبلهم ثنينهم حفاظاً حتى على وحدة ذيك العايلة أو أنها ترفض هذا وتقبل اخوه من غير مايحسون أنها تحبه يعني ترفض الأخ المتقدم ولين جاء مثلاً بعد سنه يتقدم الثاني وتقبل بها وتقول هذا حظ ونصيب ولكن عسى الله يستر

============================== ============================== ==============

بالنسبه لما ذكرتيه نعم صحيح كلامك وهي الي مشينتها بس كنت كاتبها الصباح على الكي بورد وفي مقهى انترنت وعندي ازعاج وسواليف وريحة دخان لحسة مخي ياله طلع مني ذا ولا قريتها ألا لاحقاً في المكتب وقت الضحويه وشانت هذي في عيني لكن قلت كتبناها وانتهى الموضوع ماراح أغير في الموضوع الكل قراه
============================== ============================== ==============
ربك يسهل


تحياتي

الذيب

ياحليلك ياذيب انت ونصايحك طيب ماعندك نيه تقول خلاص بكتب الخاطره خخخخخخخخخخخ
ولا خلاص ماعاد انك مفصل اخاف طقيتك بعين ترى قلت ماشاء الله

لا عادي بس أنتي ماكفاك خاطرة باسمك ولحالك يعني في موضوع مستقل لوحدك مااحد معك لا تصيرين طماعه

أما بالنسبه لو بكتب في الموضوع الي تقولين ما أقدر حالياً لأني ظروفي النفسيه ماتساعد لكن ربما لا حقاً

لا تصيرين طماعه

خخخخخخ ماني بطماعه اصلا هي قصه لوحده عزيزه علي وحسيت قصتها محزنه مره وتصلح تصير في خاطره

ما أقدر حالياً لأني ظروفي النفسيه ماتساعد

ماتشوف شر انشاء الله وخلاص صدق خلها لوماتكتبها الابعد سنه اصلا لوماتكتبها بالمره عادي مراح ازعل

أمش وش سنته لا أن شاء الله قريب بس خلي زناد فكري يقدح والحزن يعصف بنفسي ولين ما عصف بنفسي بتجيك خيول فكري مسرجه مثل خيولاً عربية أصيلة تقدحم الميدان وأفجر ينابيع الخيال بقلبي وفكري وأفكها على الموضوع وتجيك مثل الموج العالي يضرب سطوح قلوب القراء ويغرقها في حزناً أنا قبلهم فيه غرقان بس على قولة القايل صبرك علي صبرك

والله ثم والله ثم والله
قريتها ثلاث مرات
وماادري وش اقول

يعني اعذرني راح اعتبر نفسي انا اللي كتبت هالخاطرة

ولا راح اعلق اكثر من قولة جنان
وصدق اللي قال خير الكلام ماقل ودل

يمكن يقول غيري اني ابالغ
بس الناس اذواق

ذيب وين الفاتوره؟؟

ذيب وين الفاتوره؟؟

أي فاتورة يا أم عرب مابينا فواتير الأمر وماهنالك نحرك الخيال شوي والله من زمان ماقعدت أكتب زي كذا بالعكس كلكم أنتم الي حركتوا فيني الخيال أني أكتب ولا أنا بليد شوي

مشكورين جميع والله