العيد عند اللي يحبّون غالي

[الطامي]

الطائر
صح السانك ملايين
والعيد عيد الغالين ؟؟؟؟؟؟؟؟؟؟؟؟؟؟؟؟؟؟؟؟؟؟ الله عليك مأروعك
شكرا لك ولاهنت

[هاجس نجد]

المشاركة الأصلية كتبت بواسطة الطائر المهاجر

العيد عند اللي يحبّون غالي = وأنا احب العيد من شان ثنتين
فرصه ادور من بطيفه عنا لي= واهديه من قلبي على البعد بيتين
"انت الحبيب اللي خياله قبالي= مهما تباعدنا على العهد باقين
عيدك مبارك يا هناي ودلالي= يامصدر الهامي بدنيا المحبين
والثانية في العيد ابدا وصالي= مع من اساء وطالني فعله الشين
علّه يبدل سيرته بالفعالي= ويقابل الإحسان ما يلحقه دين
لكن إذا منّه مشى بالتعالي= واللؤم طبعه لو اجي له من اللين
انذفه مثل الذيخ والاّ الكحالي= مثله يربيه الزمن لو بعد حين
وابحث عن اللي من عدود الرجالي= جلسه معه تسوى الوف الملايين
اخذ فكر واسأل عن اللي بدا لي= رايه سديد وراجح العقل والدين
وابعد عن دروب الخنا والميالي= الله يراقبني على الشين والزين
وأفكّر باخوان في سوء حالي= محدٍ يساعدهم لردع المعادين
جتهم جيوش الكفر واهل الضلالي= في قلوبهم حقدٍ من أيّام حطّين
ولو ما قدرت افزع بسيفي ومالي= افزع بحرفي فاضحٍ هالحقودين
وارجي من الوالي عزيز الجلالي= يفرح عباده بالنصر قولوا آمين

صح لسانك يا أبو عبد الله

الله ينصرك ويرعاك

دائماً متميز بكل ماتطرحه

شهادتي فيك مجروحة لأني معجب بكل ما تكتبه

قصيدة رغم أنها توحي إلى أنها غزليه

إلا أنها قصيدة إنسانية في مضمونها

تصف حال ومعانات أخواننا اللذين يعانون من الظلم

والإضطهاد عسى الله أن ينصر جميع المسلمين

لك تحياتي وتقديري وشكري الجزيل

أخــــوك

سعــد عبــد الله العبيــد

هاجس }{ نجــــــد

[انكسارات النخيل]

اللهم أميييييين

مشرفنا الراقي بوعبدالله

كفيت ووفيت بالفكرة والصياغه والابداع

دمت بخير وكل عام وانت بألف خير

[الصريح العتيبي]

انت الحبيب اللـي خيالـه قبالـي=مهما تباعدنا على العهـد باقيـن
عيدك مبارك يـا هنـاي ودلالـي=يامصدر الهامي بدنيـا المحبيـن

طائرنا المهاجر

صح لسانك واعتلى شانك
هذه البيتين عن قصيده
لامست اوتار حساسه
دمت بهذا الابداع والشموخ
دمت بخير حال

[همس الورد]

صح السااانك مليون

و صح بدنك

قصيدة رائعة

تحيتي و تقديري

[سلطان العطاوي]

الله عليك
صح لسانك مدد مهو عدد
حضور راقي وقصيده ارقى
يسعدني المرور
سلطان ..

[صعبة المنال]

صح لسااااااانك

صعوووب

[عبدالعزيز العمار]

صح لسانك يالعود وعيدك مبارك

وافيه وجزله كالعاده

تحياتي لك

[بنت النور]

عيدك مبارك وكل عام وانت بخير
ابيات رائعة ومعبرة وصح لسانك
بارك الله فيك
تحياتي

[بنت النور]

عيدك مبارك وكل عام وانت بخير
ابيات رائعة ومعبرة
بارك الله فيك
تحياتي