المهاجر تفضل

[الطائر المهاجر]

ما اعرف إلا عواصف تسمع الها وحيف= فخل عنك التميلس حان وقت الخريف
ثعلبٍ في ختيلك لاتخدع العريف= احتزم للملاعب بضربك في الصميم

من سمع هرجتك قال عنك طبيب= كل راي يجيبه دايمٍ به صويب
مادرى انك مولي قبل شمس المغيب= والفطاحل تجيب العلم تجلي الهموم

[عبدالعزيز العمار]

محمد بن عمار

الطائر المهاجر

صحت السنتكم

واصلو وحنا معكم متابعين

[محمد بن عمار]

	السلام عليكم صحححح لسانك والتزم بالقافية يامدبر لاهان غاليك محمد بن عمار

[الطائر المهاجر]

ملتزم دور غيرها

[محمد بن عمار]

من رمـاه القـدر فـي وسـط مـن لا، يمـون=صار في موضع الشكّـات وسـوء الظنـون
إن رفع في الشوارب وإن طمن في الدقون=واضــح ٍ فــي كـلامـي وافتـهـم يــا فـهـيـم

ما حسبنا حساب الذيب وسط القليب=نفهم اللي من الديرة من اللي غريـب
وعارفين ٍعريب الجد وغيـر العريـب=في الفطاحل علوم رجال ، نعم العلوم

[منيع]

ياسلام عليكم
عندما تلتقي القمم يكون للشعر ذوق خاص
متابعين للابداع
تحياتي لكما

[الطائر المهاجر]

الشوارب تلاشت واللحى في طمون = جاهل في زمانك مادريته مجون
رابحٍ به لطيعي لو علته الديون = وانت نايم تحسبك عايشٍ في نعيم

الذيابه تلاشت مالها من قنيب = مابقى إلا الحصاني تحت غصنٍ رطيب
خل جدك يسرك في الزمان العجيب= دام صار الصقر يخشي يطارد ببوم

[محمد بن عمار]

كل ناس لهم في العمر حظ ونصيب = عاش من عاش و الا مات قبل المشيب
والا انا ابوي وجدي ما بهم ما يعيب = واضح ٍ في كلامي وافتهم يا فهيم

يالمهاجر تقدّم اطلبوك الحضور = واضبط السالفة بالك بهرجك تخور
من عرفتك وحالك من دبور لدبور = في الفطاحل علوم رجال نعم العلوم

[الطائر المهاجر]

حيلة اللي جريحٍ من زمانه صويب= كل شي له اسبابه فخلك اريب
ليش ما مات منهو في اليتامى نهيب= كل يومٍ يسمكر ما يغيّر هدوم

المهاجر هجر وقتٍ مجن بالفجور= يوم لابد يرحل مثل باق الطيور
وانت يامدعي تحسب مقامك حبور= شوف بيتك يبي تجديد وانت محروم

[محمد بن عمار]

التخبّط بدأ واضح وحالك صعيب = ما شكا من زمانه غير شخص ٍ كئيب
مابقا غير دق الوشم ورسم الصليب = واضح ٍ في كلامي وافتهم يا فهيم

يوم شفتك بعيني ماشي ٍ بالمسار = قلت ذا حلم ليلٍ ٍ وإلا غفوة نهار
وان طرا لك تهاجر ، انصحك بالقطار = في الفطاحل علوم رجال نعم العلوم