عوض الله الغبي بكسب الفلوس

[سناعيس]

صح لسانك يابو عبدالله
على هذه الجزله والرائعه
وكل ماقلت واقع
لاهنت

تحياتي

[داعي الشوق]

صح لسانك طائرنا المحبوب

قصيدة معبرة و لها ابعاد

لله دررررررررك

لي عودة للرد بما يليق

لاهنت

***********

[صعبة المنال]

صح لسانك
للذائقة عدنا

صعووووووووووب

[الخنساء]

المشاركة الأصلية كتبت بواسطة الطائر المهاجر

عوض الله الغبي بكثر الفلوس= لو شرى لتراب باعه كالذهب
ولو بغى له شغل لا داعي يحوس= مثله المطلوب لو ماله طلب
كل ما يحتاج يقرب للرؤوس= وسم حاضر والعزف وقت الطرب
يكشخ ببشته ويفهم بالطقوس = ولو هو الجاهل بشعبان ورجب
ولو بغى يعرس لقى اجمل عروس= دام عنده قرش حصل للأرب
والذكي مسكين بالفكر محبوس= كثرة التفكير تذهب ما كسب
يصخّن الميّه ومن كثر الهجوس= طار ديكه ما جنا إلا التعب
في زمان كان مالك من ضروس= ينحطب بك مثل غيرك من حطب
ودي اتغيبا واغيّر في اللبوس= مير راسي صلب ماله من طبب
يحسب ان العلم يكفي والدروس= والأمانه والجهد عند العرب
مادرى بالوقت قلبٍ ومعفوس= وصورةٍ مقلوبة فوق الكنب
كل منا ماشي بوضع معكوس = راس تحت وفوق كرعان وذنب
ولو عدالٍ مشيته يومه عبوس= ماسلم من برد او بعض اللهب
قسمة الرحمن علام النفوس= وما كتبه الله قبلنا لاعتب

صح لسانك مليون ولايكفون
قصيدة جزلة من شاعر جزل
سلمت ودام حرفك

[بنت العز]

صح السانك يالطائر
رائعة جدا
لاهنت

[نفحات حساسة]

الله..

صح السانك..ولاهنت

كتبت فأبدعت..سلمت وسلم راسك

تحيتى الخالصه لشخصك..

[صعبة المنال]

عدنا للتميز

صح لسانك وحرفك

صعووووووووب

[عبدالعزيز ابراهيم المنصور]

صح لسانك يالطائر مبدع كالعادة سلمت ودمت

[ماجد الزيد]

ودي اتغيبا واغيّر فـي اللبـوس

مير راسي صلب ماله من طبـب

يحسب ان العلم يكفي والـدروس

والأمانه والجهـد عنـد العـرب

مادرى بالوقت قلـبٍ ومعفـوس

وصورةٍ مقلوبـة فـوق الكنـب

صح الله لسانك يا خالي

لله درك
احترامي وتقديري

[سناعيس]

صح لسانك ولله درك
قصيدة رائعه وجزله
استمتعت بقرائتها عدة مرات
لاهنت

تحياتي