على نيته قلبي

[محمد العسكر]

الله الله

مبدع استاذ الشعر احمد

[الراقي]

كتبت فأبدعت

وتألقت

بروعة قلمك و فكرك

صح لسانك

لك كل الشكر

^^^^^^^^^^^^^^^^^

[الطامي]

كثير العذارى يعجبه با الفتـى شيئـان
جمالـه ومالـه لا طباعـه ولا ذوقــه
يحاكن بعضهن عن مدى حسنه الفتـان
تغنـى بشكلـه لـو جرحهـا بمنطوقـه
تبي من يطرز له خيوط الذهب فستـان
مديله غريب وشـرط ماهـي بمسبوقـه
ويجلب لها الالماس من قاصي البلـدان
لجل تصبح بعيـن الصديقـات مرموقـه
على نيته قلبي يحسـب انـه الغلطـان
تحمل عذاب وغـدر وجـروح مفتوقـه
؟؟؟؟؟؟؟؟؟؟؟؟؟؟؟؟؟؟؟؟؟؟
الجريفاني
صح السانك ملايين
والله اللي صدقت يأخي
لاهنت

[ناصر عبيد الهواوي]

مبدع وجزل يالجريفاني
لاعدمناك يا احمد
شموخ وابداع منقطع النظير
لاهنت وبيض الله وجهك

[ترانيم المطر]

صح لسانك وبيض الله وجهك
عوده على الابداع
لاهنت

تحياتي

[الخنساء]

المشاركة الأصلية كتبت بواسطة احمد الجريفاني

جرى الهم بعروق المعذب من الحرمان = جرى الهم ياويله من الهم بعروقه
من اللي يثمن ياهوى حرقة الفنان = تضيق الصحارى في سما من فقد شوقه
ذليل الهوى طير(ن) وهبه الولي جنحان = تمره رياح الغدر تسرق له سبوقه
وعليل الجفا مسروق نومه من الاجفان = تصور قليل النوم والكبد محروقه
نهاره دجى والليل مادار با الحسبان = لو انه عمى ما لاعه الحب وطروقه
ولا شاف عذرا(ن) طبعها الغدر والنكران = يذوق العنا من يسكن الغيد في موقه
تصون الهوى مده لما تكثر الخلان = تغير على كيفه وش الحب وحقوقه
كثير العذارى يعجبه با الفتى شيئان = جماله وماله لا طباعه ولا ذوقه
يحاكن بعضهن عن مدى حسنه الفتان = تغنى بشكله لو جرحها بمنطوقه
تبي من يطرز له خيوط الذهب فستان = مديله غريب وشرط ماهي بمسبوقه
ويجلب لها الالماس من قاصي البلدان = لجل تصبح بعين الصديقات مرموقه
على نيته قلبي يحسب انه الغلطان = تحمل عذاب وغدر وجروح مفتوقه
تصور بان الغيد زهرات في بستان = يحاكن خيوط الشمس في حزة شروقه
مليئات با الاحساس منطوقهن الحان = لهن روح في شرع الهوى دوم مسروقه
يحبن بكل اخلاص ويعاملن باحسان = يعشقن جمال الروح ما يهتون بوقه
جمال المحب بالوفا معشر الخلان = بدون الوفا خسران عاشق ومعشوقه
محبه بدون اخلاص جنه بلا سكان = تمايل غصونه تبكي الورق من فوقه

صح لسانك مليون ولايكفون
قصيدة جزلة من شاعر جزل
سلمت ودام حرفك

[احمد الجريفاني]

دكتورنا الغالي شكرا جزيلا

[احمد الجريفاني]

ترانيم المطر شكرا لقلبك الطيب

[احمد الجريفاني]

عبدالله الحمدان شكرا جزيلا

[احمد الجريفاني]

زهرة اللوتس شكرا جزيلا