شعر الفطاحل شعر راقي وموزون

[الأموره]

صح لسانكم يالشعراء ،،

نرقب الزود من يمناكم ،،

[داعي الشوق]

منشار قال البيت مثل المناشير = عز الله إنه ثار قال ويقولون
اسلوب موقعنا يشد التعابير = شعر الفطاحل شعر رايع وموزون

[ماجد المهدي]

فلاح وينك خابرك بالمعايير = هيضتنا بالشعر والقاف مجنون
جهّز حروفك انت وسعود والطير = شعر الفطاحل شعر راقي وموزون

[نجم الإبداع]

يامرحبا مني و للكل توقير = حبيت جمعتكم على ماتشوفون
يحلى اللقاء ونصور الود تصوير=شعر الفطاحل شعر راقي وموزون

[عبدالله الشويمان]

فعلك يشرف يابن منشار للغير=منتب على تفريق الاصحاب مشطون
طبعك كذا ما تقطع الوصل والسير=وشعر الفطاحل شعر راقي وموزون

[الطائر المهاجر]

جمعا على سلوم الرجال المناعير = وإلاّ خشاش الأرض لابد ينفون
يكفي الفطاحل من بقى دون تقصير= وقصرالفطاحل شاهق بعالي الكون

[ولد بن هندي]

يجزاكم الله يالفطاحيل بالخير
............................. ماكنت اعرف الشعر وزن وموزون

اخذت منكم كل فن وتعابير
............................. وشعر الفطاحل شعر راقي وموزون


حبيت اشارك معاكم بس

[نجم الإبداع]

تشريفكم ياخوان له في تاثير=تسوى خزائن مملكتنا وقارون
بحروفكم تملى الحياه الاسارير=يامرحبا وارجي من الله تعودون

[عذب القوافي]

فلاح شاعرمن رجال(ن)مغاوير
تارد على الطولات ماهيب بالهون\

له معرفه بالبيت من كان أهوصغير
وشعر الفطاحل شعر راقي وموزون

[الطائر المهاجر]

الثبت ثبت وواضح بالمعايير = بالفعل نمضي دون هرجة يقولون
هذي مباديكم وهذي التدابير = عدل وتساوي دون تمييز في اللون