** في خــاطــري موضــوع عنكم و عنــي ؟؟

[عيدالماجد]

صدقت وحققت الغايه المطلوبه من الشعر وهو توحيد الصفوف لمواجهة مايحاك ضدنا من مؤامرات شكرا لمشاعرك الطيبه

[عبدالعزيز البليهد]

صح لسانك ولاهنت

الله يعين ويعدل الاحوال
"إن الله لا يغير ما بقوم حتى يغيروا ما بأنفسهم"

[صعبة المنال]

صح لسانك

صعوووب

[نفحات حساسة]

اقـول و اعلنهـا وكلـن فطنـي

أقولها و أبصـم عليهـا بالابهـام

ياللي بنفسـك شـك لا تمتحنـي

كب الضغاين و إنظر المجد قـدام

صح السانك..ولاهنت

أبيات رائعه..

يعطيك العافيه..وسلم فكرك وراسك

تحيتى لك.

[صعبة المنال]

صح لسانك

صعوووووووووووب

[ترانيم المطر]

صح لسانك وبيض الله وجهك
عوده على الابداع
لاهنت

تحياتي

[سناعيس]

الله الله
صح لسانك يابو سعد وبيض الله وجهك
قصيدة تحدثت فيها عن امور مهمه وخصوصا في هذا الوقت
وانت دائما في قلب الحدث ببوحك العذب والجزل
لاهنت

تحياتي

[الخنساء]

المشاركة الأصلية كتبت بواسطة داعي الشوق

في خاطري موضوع عنكم وعني = دايم يشاغلني على مر الأيام
من شانه القيفان جن يعدني = أبختصرها و الأمر شامل وعام
لا مشكلة ما بين شيعي و سني = ما دامت الفطرة على دين الاسلام
إيماننا بالله من دون ظني = سبحانه اللي بالخفيات علام
الدين واركانه شملك و شملني = و تبقى عروبتنا لنا ذخر وحزام
وان كان خلف ستار صوتٍ يرني = صوت الشقاق اللي للاعداء خدام
اللي على الشحناء يحث و يزني = تدبير هدام و على النفس هدام
يقتص للإكراه منك و مني = والحاصل التشتيت وانزاع و خصام
نعرات نسمعها و فيها تجني = يرمي بها الغاوي ومن خلفه إعلام
إعلام يرمعنا و دايم يشني = متسلط و مكلوف و مسلط اقلام
يا محكمين العقل جيت متعني = أطرح أمورٍ كدرت حال منظام
دايم تشاغلني وعقلي يجني = الأمر مخطورٍ و مستعجل و هام
يكفي تخاذلنا و حال متدني = و حقوقنا ضاعت لها عدة أعوام
المسجد الأقصى رهين و يحني = مستعمره عدوان راعين الاجرام
و حنا مع المزمار واللي يغني = و زودٍ على ذلك تنابيش و صدام
الوضع يا خواني تراه متثني = ما يحتمل تهميش وظروفٍ تقام
اقول و اعلنها وكلن فطني = أقولها و أبصم عليها بالابهام
ياللي بنفسك شك لا تمتحني = كب الضغاين و إنظر المجد قدام
نمشي بدربٍ واحد ونرجهني = وعقيدةٍ وحده و شرعٍ بها قام
بالله يالاخوان لا يخيب ظني = ترى الأمل معقود والوقت صرام
لـَم الشمل يبقى الهدف و التمني = و توحيد كلمتنا ونرقى على الهام
أحلام ننشدها و لا نستكني = الله يحقق ما نشدنا من أحلام

صح لسانك مليون ولايكفون
قصيدة جزلة من شاعر جزل
وانا اشهد انك صادق
سلمت ودام حرفك

[داعي الشوق]

المشاركة الأصلية كتبت بواسطة حلا نجد

داعي الشووق
صح لسانك عددبلامدد
قصيده رائعه بمعنى الكلمه
اقف حائره امام كلماتك
واهنيك على ذوقك
وطرحك المميز

صح بدنك مع الشكر الجزيل لك

على مرورك الجميل

تقديري

*********

[عمر ال شيبي]

سلم قلبك ونعود للجمال