أدخل ولكن لن تجد سوى أحرف بيضاء..

[عبدالله الشويمان]

كظيم والخنساء وحوريه=اشكر تواجدكم بصفحاتي

من حط رادارٍ يراقب للسحاب=لو كان عنده جيش ما فاده الجيش
الله قوي يبطش اذا ساق العقاب=ولا همه اللي ناقص ايمان وغشيش
والله رحيم ايسوق خيره للدواب=حتى انها تشبع اليا نبت الحشيش
والله ييسر امرنا وقت الحساب=ويغفر لنا الزلات باليوم الوحيش

[عبدالله الشويمان]

مقيولةٍ من قبل ما قلت شيٍ جديد=الكلمه اللي تزعِّل لا تحلابها
والمزح الى زاد حده للعداوه قويد=حكمة فهيمٍ حكيمٍ حاسب حسابها
حدك ترى الخط الاصفر لا تهقوى تزيد=ترى المزوح الثقيله عيب باصحابها
والثرثره ما تفيد الناس ولا لك تفيد=ومن طاب عقله تطيب علومه ان جابها
وخير الكلام القليل وفيه معنى سديد=واللي على غير معنى سكر ابوابها
جددت قول الحكيم اذكٍّر اللي يريد=حِكْمَه ما فيها خطأ مشدوده اطنابها

[داعي الشوق]

يا بو بدر لا تحسس من بيوت النشيد = القاف لعب و طرب و الناس تسلا بها
لو كل واحد زعل من شخص هرجه شديد = ما كان ذا الناس نعرفها من اصحابها
انت رجلٍ حكيم و لك مقامٍ فريد = و الضلع ما شال هم الريح و اسبابها
يا وسيع المعرفه خذ كلامن وكيد = لا تضيع الهقاوي عند من جابها

[عبدالله الشويمان]

المشاركة الأصلية كتبت بواسطة داعي الشوق

يا بو بدر لا تحسس من بيوت النشيد = القاف لعب و طرب و الناس تسلا بها
لو كل واحد زعل من شخص هرجه شديد = ما كان ذا الناس نعرفها من اصحابها
انت رجلٍ حكيم و لك مقامٍ فريد = و الضلع ما شال هم الريح و اسبابها
يا وسيع المعرفه خذ كلامن وكيد = لا تضيع الهقاوي عند من جابها

هلا ابوسعد..
شطحت بابياتك يا بعدي..
على العموم صح السانك واعتلا شانك..
انرت الصفحه يا عزيزي

[عبدالله الشويمان]

في وقت الاشراق شمسك يا الثلاثاء غياب=ما بينت نورها للعين ولا للبطين
بآخر اسابيع ذي الحجه حجبها حجاب=يالله عسى فال خير وغيث للمسلمين
الجو بالعاصمه مستملسٍ بالسحاب=يا منية العين شوف اللي نزوله ثمين
الماطر اللي به الرحمه ولا به عذاب=منَّه من الله رب الكون في كل حين

[عبدالله الشويمان]

يا ليلة الخير من عنـد الله الوالـي=موعودةٍ في مـزونٍ هـل وابلهـا
الله ومرها على العارض تراوالـي=تسيِّر شعابٍ بها تـروي مسايلهـا
يا جعل منها الشجر والعشب اشكالي=اليا فلا الـذود بالمرعـى يـفللها
ويطيب جو الفلا والطيـر جوالـي=طربٍ يغرد وفـرحٍ فـي خمايلهـا
عيني يجيها سرور وينشرح بالي=بشوف النفل والخزامى وما بشاكلها

[بنت النور]

كلمات رقيقه.اكتشفتها هنا..
واتوقع ان اشاهد اكثر من ذلك .
فأول الغيث قطر.فقطره+قطره.يتكون غدير.
اتمنى ان يكون هذا الغدير في ضخرةٍ صماء مجوفةً كالإناء.
تحوي قطرات عذبة صافيه.
وبالتوفيق ان شاء الله . وانا هنا دايمآ

[عبدالله الشويمان]

المشاركة الأصلية كتبت بواسطة همسات دافئه

كلمات رقيقه.اكتشفتها هنا..
واتوقع ان اشاهد اكثر من ذلك .
فأول الغيث قطر.فقطره+قطره.يتكون غدير.
اتمنى ان يكون هذا الغدير في ضخرةٍ صماء مجوفةً كالإناء.
تحوي قطرات عذبة صافيه.
وبالتوفيق ان شاء الله . وانا هنا دايمآ

اشكرك يا اخت همسات على اثبات وجودك هنا..
كما اشكرك على الاطلااء الجميل..
دمتي بخير ولا هنتي

[نفحات حساسة]

صح السانك..ولاهنت

سلمت وسلم احساسك.ويعطيك العافيه

تحيتي

[بنت النور]

صح لسانك يابو بدر يعطيك العافيه
مملكة هادئة تناثرت على بياض صفحاتها أرق الكلمات وأصدق المعاني
وتعطرت زواياها بشذى الإحساس المرهف المنبعث من القلب للقلب
00تمنياتي لك بالسعادة في الدنيا والآخرة