الملعبه ياسهيل وابو انس وبو زياد ومن حضر

[الطائر المهاجر]

الا يامرحبا باللي لفانا ما وصل بدري = ابيه يشيل بعض الحمل لكن راح طوالي
مدام إنك وصلت فوجه الدفه على البحري= وركب من يبى يركب ولاتثقل بالاحمالي

[ابو زياد]

ترى الله مقنع الخاطر وراضى منه بالقدري=وانا قدري ملى عيني وعندي دايمآ غالي
ملى عيني عشان انه يحب الخير والستري=يشوف الخاطر اش يبغى ويبعدني عن الصالي

[سناعيس]

أنا بادلي بدلوي لعنبو صبري=أبي ألحق عليكم لوهو أردالي
ماهو من عادتي نومي يجي بدري=ولا من عادتي تجريب الأهوالي

[الطائر المهاجر]

الا يا مرحبا نسل الطنايا منبع الفخري= تجود واحتزم فالموج اشوفه يضرب العالي
وتمسك في خويك فالبحر لاشك به غدري= ترى القبطان سيبكم مابين الشط والجالي

[ابو أنس]

بحركم عذب له منبع وصافي منبعه يجري=مثل ماقيل بحر النيل من ذاقه يجي تالي
نجي توثيق للصحبه ونقرى كتبة السطري=ومن يلفي على الجواد مايطلع وهو خالي

[الطائر المهاجر]

ترفق وانتبه فالنيل كان انه على خبري= متاهات ولو غرك بلون فاقعٍ حالي
فخل البوصله قدام عينك دايمٍ حذري = ولو هو نهر قلباته سريعه فيه الاهوالي

[ابو زياد]

ابو انس

اشوف ان الهوى جابك وانا كنت احسبك عبري=واثاري انه تمكن بك وخلى فيك ولوالي
وانا ضنيتكم نوما واثاري قلوبكم خضري=تسامركم نجوم الليل إلينه يذن التالي

[ابو أنس]

صحيح اني غشيم في البحر وسباحة الصدري=ولكني حذر واحذر من البايع ودلاّلي
واذا رجلي دنت في غبة جريتها جبري=معي المجداف في ايدي ولاني مبعد لحالي

[الامير]

صحت السنكم

[سناعيس]

ألا يامسهلا حييت والا ياليتها بدري=واذا كانك تشوف الموج خبرني عن التالي
الى قالو البحر غدار فهو من طبعه الغدري=ولكن لامن أبحرنا ركبنا موجه العالي