قبلك مااعرف الحب <<<< للتواصل

[الخنساء]

المشاركة الأصلية كتبت بواسطة رشيد الكسر

السلام عليكم ورحمة الله وبركاته

يسعد مساكم بكل خير ومسره

اضع بين ايديكم هذه المتواضعه عسى ان ترتقي ولو للقليل من رضى ذائقتكم

قبلك مااعرف الحب كنت اجهل الحب = ولاقد خفق قلبي لغيرك وحبّه
ماكنت اعرف الحب نارٍ تلاهب = باقصى الحشى نارٍ خفوقي تشبّه
اللا بعد ماشفت منهو لي الطب = قطّع معاليق الفواد ولعبّه
وصفه ليا جيت اوصفه ويش ابااكتب = ماينوصف وصفه ولااحدٍ كتبّه
مثل القمر ونجومه اللي تراقب = بين العذارى كنّها به تشبّه
في وصفها ياما كتبت وكم اشطب= محجر وردف وطول عنقٍ ولبّه
وخشمٍ يشادي سلة السيف الاحدب= وخدٍ شبيه البدر سبحان ربه
ومبيسمٍ جمر الغضى فيه واعجب= والصدر زامي طالعات عنبّه
وشلال شعرٍ فوق متنه مخضب = يلعب به النسناس مع كل هبّه
عليه قلبي بين الاضلاع يجذب = جذب الدلو يوم الرشا ينجذبّه
له الغلا من داخلي نهرٍ يصب = ماينقطع من بحر حبي يصبّه

وسلامتكم


كل التقدير

رشيد بن شعيفان الكسر

صح لسانك مليون ولايكفون
قصيدة جزلة من شاعر جزل
سلمت ودام حرفك

[عبدالإله]

صح لساآآآاانك مدد

على هالجزالة يالجزل

قمة الجمال و المعنى

كل الشكر لك


@@@@@@@@@@@@@@@

[المفرنك]

ابيات اكثر من رائعه
شكرا جزيلا
تحياتي وتقديري

[منصور بن ملك]

كل عام وانت بخير انا بالنسبه لي يارشيد زاد رصيدي الدبل مرتين بعد ما قرات قصيدتك وودي اجلس احفظها اهنيك وودي اشوف قصائدك الجديده خلاص انا حفظت اسمك وراح انتظر جديدك
تكفى لاتغلا علينا ولاتكسر خواطرنا وتغيب

من العائدين

[حي الضمير]

رائعه تستحق العوده مجددآ

[شجون القصيد]

صح لسانك

سلمت ولا هنت

تحياااتي

المشاركة الأصلية كتبت بواسطة عبدالله راشد الثويني

رشيد الكسر
شاعر جـزل نتوق لجديده دائماً
تسلم اناملك على ماخطت يالغلا
طامعين بالجديد دائماً
تقبـّل تحيتي

عبد الله الثويني

تسلم مرورك العطر

شكرا

[شجون القصيد]

صح لسانك مره اخرى

سلمت ولاهنت

تحياااتي

[صعبة المنال]

صح لسانك وحرفك

صعووووب

[فارس]

جزلة من جزل
صح لسانك
واعتلى شانك
ولاهنت
احترامي