احلام واوهام

[زهرة اللوتس]

صح لسانك
جزلة من جزل
لاهنت
تحية طيبه

[عمر ال شيبي]

المشاركة الأصلية كتبت بواسطة ابو أنس

تواصلا مع بديع مداخلاتكم وجماليات تواجدكم ومشاركتم لي ما أكتب
أدع لكم هذا النص بجمالياته وسوءاته
طامعا منكم ما تعودته منكم
وللجميع أرق التحايا

احلام واوهام وخيال وهواجيس=تنسج من خيوط الأماني لي ثياب
وانا اللذي ليلي بها افل واقيس=نوبن اصدقها ونوبن بها ارتاب
تدق الى عشت الفرح لي نواقيس=وان ابتسمت تكشّر وجيه وانياب
وتخالطت عندي مشاعر واحاسيس=خوف وألم واهوا الفرح حيل واهاب
اخاف من هرجن من مسلّط او هيس=يفرح به الواشي ويرويه كذاب
ناسن تحب البربسه والمطاريس=زبدة مجالسهم تفاهات وسباب
من هرجهم دكت حصون ومتاريس=واستهجنت بعض القبايل والانساب
وان جيت ابشكي علتي وافتح الكيس=اخشى من انذال تكبكب به تراب
ودي ابوح بمالجا في الدواعيس=واشكي فعايل لابس الشال والكاب
الجادل اللي شكني بالدبابيس=واقفى عقب ماشلع بقلبي وغاب
عنده هروج طعمها صعب ماقيس=الى حكا كن الشهد من فمه ذاب
حرك بقلبي مثقلاتن محابيس=مشاعرن ماصيغت بفلم وكتاب
واخاف احطه في حلوق المناجيس=وجبة مجالس تظهر السب بعتاب
من عقبها ماينفعن الهواجيس=والى انغلق بابن فتح عشرة ابواب

صح قلبك ونعود للذوق

[الخنساء]

احلام واوهـام وخيـال وهواجيـس

تنسج من خيوط الأماني لـي ثيـاب

وانا اللذي ليلي بهـا افـل واقيـس

نوبن اصدقها ونوبن بهـا ارتـاب

ابداع يستحق العوده سلمت
ودام حرفك

[نفحات حساسة]

صح السانك / بو انس

ولاهنت شاعرناا..يعطك العافيه

وسلم لنا فكرك وجمال حرفك

تحيتي لك..

[سناعيس]

لاشك بانك مبدع وجزل يابو أنس
لا استطيع الا ان اقول صح لسانك ولله درك
على هذه الرائعه

لاهنت

تحياتي

[صعبة المنال]

عودة للتميز
دام حرفك واحساسك يا ابو انس

صعوووووووووووووب

[زهرة اللوتس]

حـرك بقلبـي مثقلاتـن محابيـس
مشاعرن ماصيغـت بفلـم وكتـاب
واخاف احطه في حلوق المناجيـس
وجبة مجالس تظهر السـب بعتـاب
من عقبهـا ماينفعـن الهواجيـس
والى انغلق بابن فتح عشرة ابـواب

صح لسانك

[ابو أنس]

المشاركة الأصلية كتبت بواسطة حوريه

صح لسانك أبوأنـس

مبدع كما عودتنا

دمت بتألق وتميز

...

الفاضله حوريه.....................
حضورك مبهج
وكلماتك مطربه
اسعدني تواجدك
تحيتي وودي

[ابو أنس]

المشاركة الأصلية كتبت بواسطة الطائر المهاجر

ناسن تحب البربسـه والمطاريـس=زبدة مجالسهـم تفاهـات وسبـاب
من هرجهم دكت حصون ومتاريـس=واستهجنت بعض القبايل والانسـاب

اجل البركان مابعد خمد حق عبدالمجيد
ثم الإنعطاف المفاجئ إلى
الجـادل اللـي شكنـي بالدبابيـس=واقفى عقب ماشلع بقلبـي وغـاب

صح لسانك
ولا هان راسك
تحياتي

الفاضل ابو عبدالله..................
شكرا على المرور المرتقب والمحببب
تحيتي وودي

[ابو أنس]

المشاركة الأصلية كتبت بواسطة عمر ال شيبي

قصيد ه من الوزن الثقيل

منطق ومظمون تحسد عليه
شكرا لك

وشكرا لوجودك بين الفطاحل


الين انك مدرسه

صح لسانك

الفاضل عمر ال شيبي...................
كلماتك الجميله أخجلتني وأحرجتني واسعدتني
ورأيك له محل كبير عندي
أطربني تواجدك وعذب كلماتك
تحيتي وودي