يسعد لي العين

[محمد عبدالله البدراني]

المشاركة الأصلية كتبت بواسطة ساهر الليل

يسعد صباح العيون اللي تناظر من ورى الشاش =عيون ما صوّب عيوني لما عينٌ سواها
ترسل سهوم المنايا والهوى من بين الارماش=مع نسانيس نور الصبح صوبني هواها
وانا جفوني لها واحد لحاف وواحد فراش =يوم ان شوفي قبل يحكم على النظره قراها
يامن يداوي جروح القلب واعامله بالكاش=والا يخبر كحيل العين وين القا دواها
يوم ان جرح العيون السود مايبرى بالانعاش=ولايداويه طب اللي جروحي مادراها
انا اشهد ان الهوى طبعه ظلوم ودوم غشاش=ناره بقلبي ليا شفت اللما يشعل سناها
ياليتني طير واحلق بجنحاني والارياش=في جو ديرة وليف الروح واسبح في فضاها
واشاهده كلما مد الخُطى وابني لي اعشاش=واسكن جواره وامني الروح واحقق مناها
واعيش في جوه اللي للمخايل فيه رشاش=من وبل مزن السحاب اللي يهلل من سماها
وانقش على باب داره يابرى حالي بمنقاش= يسعد لي العين والنظرات يسعد لي لماها

ساهر الليل رعاك الله

وكفانا الله وإياك شر السهر فما السهر الا لثلاثه عابد او عاشق او مريض وياليتنا الأول ولا سواه


ولاعدمناك على رقي حرفك وجميل حضورك



تحيتي وتقديري لشخصك الكريم

[ساهر الليل]

محمد البدراني

حياك وحيا حظورك الجميل

واللي يسهر الليل تقريبا النجوم

والكواكب لتضيء السماء وتزينها

ودعوتك اسال الله ان يجعلني واياك

من العابدين الحامدين الشاكرين ...

شكرا على جمال المرور

خالص ودي

[الراقي]

صح السانك على هـالجميلــــة
لاَفُض فُوكَ .

[ساهر الليل]

صح بدنك اخوي الراقي

وشكرا على كريم الحظور

وجمال المرور ... لاهنت

[ساهر الليل]

عوده وكل التقدير لمن مر وعلق

وعانق المتواضعه ،،،،،،،،،،،

ولي عوده قريب انشاء الله

[هترل]

يسعد لي جوك ياشيخ
أرحب يابو نواف طربان ههههه
صح لسانك وكلك مبدع لاهنت
تحياتي

[ساهر الليل]

هترل

مامن طرب لكن تنفس له اسبابه
كل التقدير لجمال حظورك يالغالي

ودي قبل ردي

[محمد السواط]

صح السانك جزله