عزم يسافر.. رسالة من والد لولده

[زهرة اللوتس]

المشاركة الأصلية كتبت بواسطة الطائر المهاجر

كيبورديه لأبني الفهد الذي سيسافر لأمريكا لمواصلة الدراسة

عزم يسافر منبع الذوق والطيب= يطرد طموح العلم ماهاب الاخطار
لو هو بكيفي قلت ما فيه تغريب = خلك بدارك فالزمن دوم غدار
وسلمت امري لواحدٍ يعلم الغيب = واللي مقدر ما تؤجله الاحذار
يابوك اسمع ما اقوله بترتيب = قبلك انا في الغرب وادري بالاسرار
ابعد عن اللي ما تدارا عن العيب= ويحسبه حر النفس في دار الاحرار
دمر لروحه ما حسب اي تحسيب= والخاتمه عمره يقضيه في شهار
دامك غريب فلا تقرب من الريب= خلك بحالك لو تعايشك الامرار
كم من فتى اغواه غيره بترحيب = وجره معه حتى يوقعه في العار
ومن لاحكم نفسه بعقلٍ وتأنيب = ياسرع ما يهوي لقيعان الاكدار
اختر صحابك من علو المراتيب = عقلٍ بدين القلب لا دين الاظهار
ومن عاملك بالطيب عامله بالطيب= مهما يكن إلا محشش وخمار
واحذر بنات ابليس لو فكن الجيب= وضحكن او اهدنك مع الفل ازهار
ومن قال جرب اتركه والتجاريب= واثبت على مبداك يانسل الاخيار
بعض التجارب لو تلف بأكاذيب = تقضي على الرجال لو كان جبار
من كل ما يجعل على العقل تضبيب= حتى ولو هو عشب او نبت واشجار
ولا تقبل علاجٍ اذا احتجت تطبيب = إلا من المشفى ومن يد بيطار
واسمع ترى في الصدق منجاة يالذيب= ويقدرون لصاحبه كل مقدار
وجهلك بقانون البلد في المواجيب= ما ينترقع لا ولا لك من اعذار
فاحرص على نفسك وباعد عن العيب= وركز على درسك بعزمك والاصرار
ترجع لنا سالم بعد طول تغريب = مرفوع راسك ما تعرضت لاعثار

صح لسانك وبيض الله وجهك
قصيدة رائعة
بوح راقي تسلم ويسلم فكرك
وانشالله يوفقه ويرجعه بالسلامة
جزلة من شاعر جزل
تقبل
تحياتي
وتقديري

[ابومياس]

نص جزل من شاعر جزل

صح لسانك وبيض الله وجهك


لقد ارتقيت بنا الى قمة الهرم بهذا النص الشامخ

الذي يدل على شاعرية شاعر

تحياتي لك

دمت بخير

[الطائر المهاجر]

شكرا لأخي سناعيس
على كريم الحضور والتفاعل
لاهنت
تحياتي الطيبة

[ناصر عبيد الهواوي]

وترجع لنا سالم بعد طول تغريب مرفوع راسك ما تعرضت الاعثار

آميـــن صحيح لايمكن لاي انسان ان يعصر مخه ويجتهد بصوغ النصيحة مثل الوالد لولده
فانها تخرج من شغاف القلب 0 صح لسانك على هذه المقطوعة الثمينةمعنى ومبنى
اظنها ان شاء الله قد اريد بها جميع من عزم علي ماعزم عليه فهد حتى يكتب
عليها الاجر ان شاء الله وتقبلوا تحياتي

[وليدالبسطي]

اخوي الدكتور


ابوعبدالله




الله يوفق ابنك



ويحفظه ويرده سالم


عزالله انها نصيحه طيبه من وجه طيب




تحياتي واحترامي الشديد






اخوك الصغير


وليدالبسطي

[الطائر المهاجر]

شكرا لأخي عبدالكريم
على كريم الحضور والتفاعل
لاهنت
تحياتي

[محمد عبدالله البدراني]

العزيز الغالي الطائر المهاجر سلمه الله

قصيده رووووووووووعه ومن القلب للقلب

ولايمك عمى

والله يحفظك ويحفظ فلذة كبدك اخينا فهد في حله وترحاله

ومن طلب العلا سهر الليالي


والعلم يستاهل اللي يسافر له


نسأل الله له التوفيق والنجاح الدائم


ومليون صح السانك يابو عبدالله


تحياتي
مع اسمى ايات الشكر فائق التقدير واطيب المنى رعاكم الله

[حي الضمير]

الله يحفظة من كل مكروه ويوفقه وعقبال مانفرح بتخرجه ان شاءالله
وعودته لأرض الوطن وهو سالم وغانم بأذن الله
ومليوووون صح قلبك ولسانك يابوعبدالله
تعملقت بالنصح كعادتك

[محمد المغيلث]

بسم الله ماشألله

صح لسانك دكتورنا الفاضل

والله يوفق ابنك

وما هذه الأبيات الا نصيحه شامله له ولغيره

كلنا أمل من الله العلي القدير ان يعود

ظافرا وموفقا انشألله تعالى بما سافر له

لانخاف عليه فقد سبقه والده

الى تلك الديار وعاد مظفرا ورافع الراس

لله درررررررررك وصح لسانك ودااااااااااام راسك وعطائك

لك تحياتي وتقديري

ولا حرمنا نزفك دكتورنا الفاضل

[صوت الإحساس]

قمه يا ابا عبدلله

على كل ذي لب الاستفادة


لله درك


صاددق الود