علام صاحبنا تغير علينا

[داعي الشوق]

أبشر يامنيع ولا يهمك ..

من زمان ادور صيدة الطائر المهاجر ،،

[الطائر المهاجر]

الحافي اللي جاء يجر الونينا = يبي المهاجر مثل من يطرد ضعون
اقول له قرب بزين وشينا = والبس نعولك والحق اللي يسيرون

[داعي الشوق]

ما ني مصدق يوم حنا التقينا = حيث ان لك حساب مقيد به ديون
سدد ديونك لاتغير علينا = ولا ترى الموضوع ساجن ومسجون

[ابوعبدالرحمن القريشي]

اشوفكم ياربعنا محتمينا = في ساحة الملعب بيدتوا تدورون
كلن يقول فلان له وقت وينا= عذره معه ياربعنا لاتعجلون

[الطائر المهاجر]

ما بين حافي او مقرقش بدينا = ومن قبلهم من راغ ما ظن يدرون
الطير لا من طار قل يامعينا= ماش يرده ينتف اللي يطيرون

[ابوعبدالرحمن القريشي]

الطير شفته يوم صيف علينا = ما يقدر يعانق طيور يطيرون
جالس يدور وينظر الحايمينا = اثره صويب بالهوى لو تعرفون

[الطائر المهاجر]

كل على فاله يغني الرطينا = وانا على فالي مع اللي يصلون
مالي خبر باللي تقوله يقينا = حتى لو اكتب شعر للي يغنون

[ابوعبدالرحمن القريشي]

يالحافي البس نعلتك باليمينا = نبي نسيّر يم ناس يعذرون
الطير له حق كبير علينا = واستغفر الله عن حروف يزلون

[الطائر المهاجر]

ماقلت زله يالسنافي يمينا = هذا المحاور خابره من يعرفون
مزح وجد وخلطته بالسمينا = وهجوم مابه باب للي يزعلون

[ابوعبدالرحمن القريشي]

كل على فاله يغنـي الرطينـا
وانا على فالي مع اللي يصلون
مالي خبر باللي تقوله يقينـا
حتى لو اكتب شعر للي يغنون

الله خبر يوم المفاصل تلينا = يوم انت فوق البيت ترقب لمزيون
لاتقول ذاك اليوم فيه ابتلينا = كلن عليه من الزمن زايد طعون